Маълумки Адлия вазирлиги томонидан аҳолини қийнаётган ҳуқуқий муаммоларга ижобий ечим топиш мақсадида "Адлия аралашгач" ҳуқуқий лойиҳаси йўлга қўйилган. Жумладан, Жиззах вилоят адлия бошқармаси томонидан фуқаро М.Мнинг унинг номига банкдан ноқонуний равишда истеъмол кредити олинганлигидан норози бўлиб қилган мурожаати ўрганиб чиқилганда, қуйидагилар аниқланди.

Жумладан, АТ “Халқ банк” Жиззах вилоят филиали ва фуқаро М.Мамадиева ўртасида 15.000.000 сўмлик  истеъмол кредит шартномаси тузилган. Бироқ, Жиноят ишлари бўйича Жиззах шаҳар судининг 2021 йил 2 ноябрдаги ҳукмида судланувчи МЧЖ раҳбари  Ф.К ҳамда банк ходими Г.Б билан  жиноий тил бириктириб фуқаро М.Мнинг имзоларини сохталаштириб кредит ажратилганлиги, 15 млн. сўмлик кредит маблағларини ўзлаштириш йўли билан талон-тарож қилинганлиги баён қилинган.

Фуқаро М.Мнинг манфаатида банк ҳамда фуқаро ўртасида ноқонуний тузилган кредит шартномасини ҳақиқий эмас деб топиш ҳамда мазкур ноқонуний кредит шартнома асосида ундирилган пулларни қайтариш тўғрисида фуқаролик ишлари бўйича судга даъво аризаси киритилиб, даъво ариза қаноатлантирилиши таъминланди.