2024/2025-ўқув йили учун республика олий таълим муассасалари тасарруфидаги академик лицейларга кириш имтиҳонларининг якуний натижалари (мандат) эълон қилинди.

Бу ҳақда Олий таълим, фан ва инновациялар вазирлиги хабар берди.

Қайд этилишича, якуний натижаларни вазирликнинг my.edu.uz расмий веб-сайтидан "Шахсий кабинет"га кириш орқали билиш мумкин.

Эслатма: Ўқувчи тўплаган бали асосида устуворлик бўйича танлаган академик лицейга ўқишга қабул қилинади.

Маълумот учун, белгиланган тартибга мувофиқ, кириш тест синови натижасидан норози бўлган ўқувчилар якуний натижалар эълон қилинган кундан бошлаб уч иш куни ичида my.edu.uz орқали электрон шаклда (шахсий кабинетидан) апелляция шикоятини бериш ҳуқуқига эга, — дейилади хабарда.