Бош прокуратура: тазйиқ ва зўравонликдан жабр кўрган хотин-қизлар сони 1 минг 831 тани ташкил этган
Ҳуқуқ
24.07.2024
362
Бош прокуратуранинг Фуқаролик суд ишларини юритишда прокурор ваколатини таъминлаш бошқармаси томонидан тазйиқ ва зўравонлик ҳамда жинсий жиноятлар оқибатида жабр кўрган жабрланувчиларга (вояга етмаганлар ва хотин-қизлар) етказилган маънавий зарарларни айбдор шахслардан ундириш билан боғлиқ ҳолатлар таҳлил қилиниб, умумлаштирилди.
Аниқланишича, Республикада 2022-2023 йил ва жорий йилнинг ўтган даврида жиноят натижасида тазйиқ ва зўравонликдан жабр кўрган хотин-қизлар сони 1 минг 831 тани ташкил этган.
Фуқаролик кодексига кўра, маънавий зарар уни етказишда айбдор бўлган шахсдан ундирилади ва маънавий зарарни қоплаш миқдори жабрланувчига етказилган жисмоний ва маънавий азобларнинг хусусияти, шунингдек, айб товон тўлашга асос бўлган ҳолларда зарар етказувчининг айби даражасига қараб белгиланади.
Прокурорлар томонидан тазйиқ ва зўравонликдан жабр кўрган хотин-қизлар манфаатида жиноят натижасида етказилган маънавий зарарларни айбдор шахслардан ундириш ҳақида фуқаролик ишлари бўйича судларга жами 3,8 миллиард сўмлик 74 даъво аризаси киритилган.
Бош прокуратура ахборот хизматидан маълум қилишларича, тазйиқ ва зўравонлик ҳамда жинсий жиноятлар оқибатида жабр кўрган шахсларнинг ҳуқуқ ва манфаатларини ҳимоя қилиш доимий назоратда.
Улашиш:
Бошқалар
Прокат шартномаси ва уни тузиш тартиби қандай?
Прокат шартномаси бир йилгача муддатга тузилади.
Шу йилнинг 1 сентябридан ҳар бир қурилаётган объектнинг QR-кодли паспорти бўлади
Бу орқали шаҳарсозлик субъектлари, қурилиш муддатлари, шаҳарсозлик ҳужжатлари ва тасдиқланган экспертиза хулосалари ҳақидаги маълумотларни олиш имконияти яратилади.
Опцион шартномаси нима учун керак?
Опцион шартномаси рисксиз қарорлар қабул қилиш имконини беради ва келажакдаги молиявий фойдани кўзлайди.
Уй-жой сотиб олишда “эскроу” тизими: муҳим 5 саволга жавоб
“Эскроу” тизими кўчмас мулк олди-сотдисида ишончли восита ҳисобланади. Уй сотиб олмоқчи бўлганлар қурувчи ҳисоб рақамига эмас банкка тўлов қилади, уй-жой қурувчининг маблағи ва кредити ҳисобига қурилади.
