Буюк Британия қироли Чарльз III Букингем саройи учун янги ошпаз вакансиясини эълон қилди. Унинг вазифаларига олий ҳазратлари ва меҳмонлари учун таом тайёрлаш, зиёфатлар ташкил этиш киради. Танлов ғолиби Букингем саройидаги элита ошпазлар жамоасига қўшилади. Бу ҳақда "Express" нашри хабар берди.

Қайд этилишича, янги ошпаз биринчи навбатда қиролнинг Лондондаги асосий қароргоҳи бўлган Букингем саройида ишлайди. Аммо баъзан Шотландиядаги Балморал ва Holyrood саройи каби бошқа қароргоҳларга кўчиб ўтишга тайёр бўлиши керак.

Эълонга кўра, янги ходимга уй-жой таклиф этилади, шунингдек, барча зарур озиқ-овқат билан таъминланади. У беш кунлик иш ҳафтасига эга бўлади.  

Тажриба нуқтаи назаридан эълонда ошпаз 5 юлдузли/премиум кейтеринг, шунингдек, умумий овқатланиш ва классик француз ошхонасида тажрибага эга бўлиши айтилади. Янги ошпаз билан доимий шартнома тузилади. Лавозимга ариза топширишнинг охирги муддати - 1 апрель.