Тармоқда нима гап?
14.07.2024
237
Пенсилвания штатининг Батлер шаҳрида собиқ Президент Дональд Трампнинг сайловолди ташвиқоти вақтида отишма юз берди. Ўқ Трампнинг ўнг қулоғининг юқори қисмини тешиб ўтган. Сиёсатчини саҳнадан Махфий хизмат ходимлари олиб кетишган. Кейинроқ Трампнинг иттифоқчилари сиёсатчининг аҳволи яхши эканини айтишган. Буни ўзи ҳам тасдиқлади.
"Мен АҚШ Махфий хизмати ва барча ҳуқуқ-тартибот идораларига Пенсилвания штатининг Батлер шаҳрида рўй берган отишмага тезкор жавоб бергани учун миннатдорчилик билдирмоқчиман. Энг муҳими, митингда ҳалок бўлган шахснинг оила аъзоларига ҳамда оғир жароҳат олган яна бир кишининг оила аъзоларига ҳамдардлик билдираман. Бу бизнинг мамлакатимизда содир бўлиши ҳайратланарли.
Ҳозирда ўқ узган шахс ҳақида ҳеч нарса маълум эмас, у ҳозир вафот этган. Менга қарата отилган ўқ ўнг қулоғимнинг юқори қисмини тешиб ўтди. Мен нимадир нотўғри эканлигини дарҳол англадим, ўқ овозини эшитдим ва дарҳол ўқ терини йиртганини ҳис қилдим. Кучли қон кетиш бошланди ва кейин нима бўлаётганини тушундим. Тангри Американи ўз паноҳида асрасин!”, деб ёзди Дональд Трамп Truth Social ижтимоий тармоғидаги саҳифасида.
Бир ташвиқот иштирокчиси отишма оқибатида ҳалок бўлди. Яна икки киши оғир яраланган. Отишма содир этгани тахмин қилинган шахс Махфий хизмат томонидан ўлдирилган. Унинг шахси ва сабаблари ҳозирча номаълум.
Гумонланувчи митинг майдони ташқарисидаги тепаликдан (норасмий маълумотларга кўра, бино томидан) ўқ узган. CNN манбалари уни снайперчи деб атаган. Батлер туман прокурорининг айтишича, ўқ бир неча юз метр узоқликдан отилган. Унинг ёнидан АР-15 русумли милтиқ топилди, деб ёзади The New York Times.
АҚШ Президенти Жо Байден воқеадан кейин Трампга қўнғироқ қилди. У, бошқа давлатлар раҳбарлари каби, отишмани қоралади.
“Трамп айни дамда хавфсиз ва яхши ҳолатда эканлигини эшитганимдан хурсандман. Мен Трамп ва унинг оиласи, шунингдек, митингда бўлган барча учун ибодат қиламан”, дея маълум қилди Президент
Байден бу воқеа Трампга суиқасд эканлигига ишонадими, деган саволга жавоб беришдан қочди ва ҳозирча барча фактларга эга эмаслигини айтди. Бироқ, AP манбаларига кўра, отишма суиқасд сифатида текширилмоқда.
Улашиш:
Бошқалар
Олимпиада ғолиблари, уларнинг тренерларига қанча мукофот берилади?
Қонунчиликда ғолиблар, тренерларга бериладиган мукофот миқдори аниқ белгиланган. Мазкур мукофотдан солиқ ундириладими? Спортчини бир нечта тренер тайёрлаган бўлса қандай йўл тутилади?
Ерда кучли магнит бўрони кузатилиши мумкин. Бундан қандай ҳимояланиш керак?
Якшанба, 18 августга ўтар кечаси ва якшанба кундуз куни 4-6 баллик магнит бўрони кузатилиши мумкинлиги прогноз қилинмоқда.
Қобулда “Made in Uzbekistan” кўргазмаси иш бошлади
Амалий ташриф билан Афғонистонда бўлиб турган Ўзбекистон ҳукумати делегацияси Қобул шаҳрида ташкил этилган Ўзбекистон-Афғонистон бизнес форуми ҳамда “Made in Uzbekistan” кўргазмасининг расмий очилиш маросимида иштирок этди.
Қандай ҳолларда ходимнинг розилигидан қатъи назар, меҳнат ҳақидан ушлаб қолишга йўл қўйилади?
Меҳнат кодексининг 269-моддасига асосан ходимнинг розилигидан қатъи назар, меҳнат ҳақидан ушлаб қолиниши мумкин бўлган ҳолатлар келтирилган.