Жаҳон чемпиони Исроил Мадримовга Президент совғаси топширилди
Life Style
14.03.2024
368
Профессионал бокснинг WBA йўналиши бўйича жаҳон чемпиони Исроил Мадримов бугун, 14 март куни Тошкентга қайтиб келди. Уни Ислом Каримов номидаги Тошкент халқаро аэропортида тантанали кутиб олинди.
Миллий Олимпия қўмитаси бош котиби Ойбек Касимов спортчини Олимпия оиласи номидан қутлаб, чемпионга Ўзбекистон Президенти совғаси – “Tahoe” автомобилининг калитини топширди. Ўз навбатида, Мадримов давлат томонидан кўрсатилаётган эътибордан мамнун эканини таъкидлаб, келгусида қолган йўналишлардаги чемпионлик камарларини ҳам Тошкентга олиб келишини айтди.
Эслатиб ўтамиз, жорий йилнинг 8 март куни Саудия Арабистонида ўтган чемпионлик беллашувида Исроил Мадримов 25 та жанг ўтказиб, уларнинг барчасида ғалаба қозонган россиялик Магомед Курбановни 5-раундда нокаутга учратган эди.
Шу тариқа, Исроил Мадримов супер ўрта вазн тоифасида жаҳон чемпионлигини қўлга киритган ўзбекистонлик биринчи боксчига айланди. Ушбу ғалабадан кейин у ВБА рейтингида 1-ўринга кўтарилиб олди. Мазкур чемпионлик камарига ўз вақтида америкалик Флойд Мейвезер, Оскар де ла Хойя ва пуэрто-риколик Мигел Котто каби жаҳон боксининг афсоналари ва юлдузлари эгалик қилишган.
Улашиш:
Бошқалар
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
