Ўзбекистон Республикаси Солиқ кодексининг 245-моддасига асосан, суғурта қилиш, биргаликда суғурта қилиш ва қайта суғурта қилиш хизматлари бўйича суғурта бозорининг профессионал иштирокчилари томонидан амалга ошириладиган суғурта қилиш бўйича хизматлар бу хизматлар натижасида:

1) суғурта бозорининг профессионал иштирокчиси қуйидагиларни олса, қўшилган қиймат солиғидан озод қилинади:

➖суғурта қилиш, биргаликда суғурта қилиш ва қайта суғурта қилиш шартномалари бўйича суғурта мукофотлари;

➖ қайта суғурта қилишга топширилган шартномалар бўйича воситачилик ҳақи ва тантемалар;

➖ суғурта агенти, суғурта ва қайта суғурта брокери, сюрвеер ҳамда суғурта бозорининг бошқа профессионал иштирокчиларининг хизматлари учун воситачилик ҳақи;

➖суғурта бозорининг профессионал иштирокчилари (актуарийлар, ажастерлар, сюрвеерлар, ассистанс хизматлари ва шу сингацрилар) кўрсатган хизматлардан олинадиган даромадлар;

➖ қонунчиликка мувофиқ суғурталовчига ўтган, суғурта қилдирувчининг (наф олувчининг) етказилган зарар учун жавобгар шахслардан талаб қилиш ҳуқуқини реализация қилишдан олинадиган маблағлар;

➖ қайта суғурта қилиш шартномалари муддатидан илгари тугатилган тақдирда, улар бўйича суғурта мукофотларининг қайтариб берилган қисми суммалари;

➖ бевосита суғурта фаолиятини амалга оширишдан олинадиган бошқа даромадлар;

2) суғурта қилдирувчи (наф олувчи) қуйидагиларни олса, қўшилган қиймат сольиғидан озод қилинади:

➖ суғурта тўлови (суғурта товони);

➖ превентив тадбирлар ўтказиш учун бериладиган маблағлар;

➖ суғурта қилиш шартномаси зарарсиз амал қилиши учун суғурталовчи тўлайдиган маблағлар;

➖ суғурта қилиш шартномасига мувофиқ бошқа маблағлар.