Ўзбекистон
20.01.2024
424
Ўзбекистон Республикаси Миллий гвардиясининг идоравий жиҳатдан тегишли бўлмаган ҳарбийлаштирилган қўриқлаш ва идоравий жиҳатдан тегишли бўлмаган қоровуллик бўлинмаларига иш (хизмат)га қабул қилиш тартиби тўғрисидаги низом (рўйхат рақами 3491, 17.01.2024 й.) давлат рўйхатидан ўтказилди.
Ушбу Низомда Ўзбекистон Республикаси Миллий гвардиясининг идоравий жиҳатдан тегишли бўлмаган ҳарбийлаштирилган қўриқлаш
ва идоравий жиҳатдан тегишли бўлмаган қоровуллик бўлинмаларига (ҳарбийлаштирилган қўриқлаш ва қоровуллик бўлинмалари) иш (хизмат)га қабул қилиш тартиби белгиланган.
Хусусан, ҳарбийлаштирилган қўриқлаш ва қоровуллик бўлинмаларига номзодлар танлов асосида мавжуд бўш лавозимлардан келиб чиққан ҳолда Қўриқлаш бош бошқармасининг ҳудудий бошқармалари томонидан қабул қилинади.
Танлов тадбирлари қуйидаги босқичларни ўз ичига олади:
дастлабки ўрганиш (ҳужжатларни йиғиш ва ўрганиш);
якка тартибда суҳбат;
номзодларни тиббий кўрикдан ўтказиш;
жисмоний тайёргарлик даражасини баҳолаш.
Бунда:
ҳарбийлаштирилган қўриқлаш бўлинмаларига кириш учун номзодлар танлов тадбирларининг барча босқичларида;
қоровуллик бўлинмаларига кириш учун номзодлар танлов тадбирларининг фақат дастлабки ўрганиш ва жисмоний тайёргарлик даражасини баҳолаш босқичларида иштирок этади.
Ҳарбийлаштирилган қўриқлаш бўлинмаларига қабул қилишда номзодларнинг бўй ўлчами қуйидаги махсус антропометрик параметрларга жавоб бериши талаб этилади:
эркак номзодлар учун 178 сантиметрдан паст бўлмаслиги;
аёл номзодлар учун 170 сантиметрдан паст бўлмаслиги.
Қоровуллик бўлинмаларига қабул қилинадиган номзодларга антропометрик параметрлар белгиланмайди.
Дастлабки ўрганиш, суҳбат, тиббий кўрикдан ўтказиш ва жисмоний тайёргарликдан муваффақиятли ўтиб, энг юқори балл тўплаган ҳамда тиббий кўрикдан яроқли деб топилган номзодлар бўш лавозимлардан келиб чиқиб, ҳарбийлаштирилган қўриқлаш бўлинмаларига қабул қилинади.
Дастлабки ўрганиш ва жисмоний тайёргарликдан муваффақиятли ўтиб, энг юқори балл тўплаган номзодлар бўш лавозимлардан келиб чиқиб, қоровуллик бўлинмаларига қабул қилинади.
Бунда, номзодларнинг натижалари тенг бўлган тақдирда жисмоний тайёргарлик босқичида юқорига натижа қайд этган номзод устунликка эга бўлади.
Агар номзодларнинг жисмоний тайёргарлик босқичидаги натижалари ҳам тенг бўлган тақдирда Қабул комиссияси томонидан қўшимча суҳбат ўтказилади ва энг юқори натижа қайд этган номзод танлаб олинади.
Адлия вазирлиги
Жамоатчилик билан алоқалар бўлими
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Меҳнат шартномаси бўйича нималарни билиш керак? Муҳим қоидалар
Мазмунан меҳнатга оид муносабатларни тартибга соладиган фуқаролик шартномаларини тузиш тақиқланади. Яъни фуқаролик шартномасида меҳнат муносабатларига оид шартлар кўзда тутилмаслиги лозим.
Ажрашгандан кейин ҳам собиқ эр (хотин) таъминот олиши мумкин
Қонунчиликка кўра, никоҳдан ажралгунга қадар ёки никоҳдан ажралган пайтдан бошлаб 1 йил давомида меҳнатга лаёқатсиз бўлиб қолган ёрдамга муҳтож собиқ хотин (эр) суд тартибида алимент талаб қилиш ҳуқуқига эгадир.
Сурхондарёда вояга етмаган ҳайдовчи автомобилни Миллий гвардия ходими устига ҳайдади
Ҳайдовчи ЙПХ ходимининг қонуний талабига бўйсунмай, воқеа жойидан қочиб кетмоқчи бўлган.
Қонунчиликка Миллий гвардия фаолияти билан боғлиқ ўзгартиришлар киритилди
Ўзбекистон Республикасининг “Қўриқлаш фаолияти тўғрисида”ги Ўзбекистон Республикаси Қонуни қабул қилиниши муносабати билан Ўзбекистон Республикасининг айрим қонун ҳужжатларига ўзгартишлар киритиш ҳақида”ги Қонуни (ЎРҚ-881-сон, 28.11.2023 й.) қабул қилинди.
Тошкент вилоятида 13 ёшли қизни зўрлаган Миллий гвардия ходими қамалди
Бўстонлиқ туман судида Ш. Ш.га оид жиноят ишини кўриб чиқиш бўйича суд жараёни якунланиб, суд ҳукми эълон қилинди.
Тошкентда Миллий гвардия ходими ўзини отиб, ўлдириб қўйди
Бу ҳақда Hudud24.uz'га Бош прокуратура матбуот котиби Ҳаёт Шамсутдинов маълум қилди.