currencies image

12 915,07 UZS

15,07

usd

currencies image

14 659,90 UZS

64,84

eur

currencies image

156,43 UZS

0,89

ru



АсосийЯнгиликларОилавий меҳмон уйларида меҳмонлар учун қандай шароитлар яратилиши мажбурий ҳисобланади?

Оилавий меҳмон уйларида меҳмонлар учун қандай шароитлар яратилиши мажбурий ҳисобланади?

Ҳуқуқ

calendar

05.05.2025

eye

89

Оилавий меҳмон уйларида меҳмонлар учун қандай шароитлар яратилиши мажбурий ҳисобланади?

Оилавий меҳмон уйлари ҳақида маълумотга эгамисиз? Оилавий меҳмон уйи тегишли турар жойда унинг эгаси ўз оила аъзолари ҳамда ташриф буюрувчилар (туристлар) билан бирга яшаши тамойили асосида ташкил этиладиган хусусий уй-жой объекти ҳисобланади. Меҳмон уйи бир вақтнинг ўзида 10 нафаргача туристларга вақтинча яшаш ва (ёки) овқатланиш бўйича хизматлар кўрсатади, шунингдек, ҳар бир яшовчи шахсга 3 метр квадрат ҳисобидан тўғри келадиган турар жой майдонига эга бўлади.

Оилавий меҳмон уйи Туризм қўмитаси томонидан юритиладиган Реестрга киритилгандан сўнг хизмат кўрсатиш ҳуқуқига эга бўлади. Бундай меҳмонхоналар одатда яроқли турар жой биносига эга бўлган ва унда яшовчи хусусий тадбиркорлар ёки оилавий тадбиркорлик субъектлари томонидан кўрсатилади.

Оилавий меҳмон уйлари, хостеллар, ўтовли ва чодирли оромгоҳлар фаолиятини ташкил этиш тўғрисидаги низомда оилавий меҳмон уйлари фаолиятини ташкил этишда яратиладиган мажбурий шароитлар белгиланган бўлиб, улар қуйидагилардан иборат:

 1. Ташриф буюрувчилар (туристлар) учун умумий фойдаланиш учун санитария-гигиена узели, ванна ёки душ кабинаси, канализация ва маҳаллий иншоотлар, табиий ва сунъий ёритиш воситалари (фонарлар, шамлар) сув таъминотининг мавжудлиги;

2. Меҳмонларнинг хавфсизлигини таъминлаш учун ўт ўчиргичлар ва тиббиёт дори қутисининг ва шошилинч ёрдам хизматларини чақириш имкониятининг мавжудлиги;

3. Туристларнинг қулай ва яхши яшашлари учун бино жойлашган ҳудуднинг қулай ва шинам бўлиши, унга бориш йўллари қаттиқ қопламага (шағалли, ёғочли) эга бўлиши, уйнинг олд томонида «Оилавий меҳмон уйи», «Семейный гостевой дом» ва «Family guesthouse» сўзларини ўз ичига олган ўзбек, рус ва инглиз тилларидаги номи кўрсатиб ўтилган маълумотлар тахтасининг (ўлчами — энг камида 60 см х 80 см) мавжуд бўлиши;

4. Оилавий меҳмон уйига киришда ўзбек, рус ва инглиз тилларида ёзилган меҳмон уйининг ягона реестридан кўчирма нусхаси, шошилинч хизматларнинг ва Туризм қўмитаси Call-марказининг телефон рақамлари, кўрсатиладиган хизматлар прейскуранти ҳамда рўй бериши мумкин бўлган табиий ҳодисалар, жойлардаги хавф-хатарлар тўғрисида маълумот;

5. Умумий фойдаланиш учун мобил ёки стационар телефон алоқасининг мавжуд бўлиши;

6. Ташриф буюрувчиларнинг рўйхатга олинишини таъминлаш мақсадида «E-mehmon» — меҳмонхона ва бошқа жойлаштириш воситаларида яшовчиларни ҳисобга олишнинг автоматлаштирилган махсус электрон дастурига уланган бўлиши;

7. Ташриф буюрувчиларни (туристларни) жойлаштириш хоналарида каравотлар ёки матраслар, каравотлар (матраслар) сони бўйича чойшаб-жилдлар мажмуининг мавжудлиги.

Мафтуна Курбанова,
"Адолат" МҲАМ ходими

Улашиш: