Фуқаролик кодексининг 224-моддасига кўра aгар мулкдорлардан бири умумий мулкдаги ўз улушини бошқа шахсга сотишни истаса, қолган мулкдорлар ушбу улушни сотиш нархида ва бир хил шартларда имтиёзли тартибда сотиб олиш ҳуқуқига эгадирлар. Лекин бу қоида улуш кимошди савдоси (аукцион) орқали сотилаётган ҳолатларга тааллуқли эмас.

Улушни сотувчи шахс сотиш нияти, улуш нархи ва шартлари ҳақида қолган мулкдорларга ёзма хабарнома юбориши шарт. Агар улар:

— кўчмас мулк бўйича 1 ой ичида,

— бошқа турдаги мулк бўйича 10 кун ичида

имтиёзли ҳуқуқдан фойдаланишдан бош тортсалар ёки жавоб бермасалар, улушни ҳар қандай шахсга эркин сотиш мумкин.

Агар улуш имтиёзли ҳуқуқни бузган ҳолда сотилса, қолган мулкдорлар 3 ой мобайнида судга мурожаат қилиб, харидорнинг ҳуқуқ ва мажбуриятларини ўзларига ўтказишни талаб қилиш ҳуқуқига эгадирлар.

Имтиёзли сотиб олиш ҳуқуқи бошқа шахсга берилишига йўл қўйилмайди.

Агар давлат органи ёки бошқа юридик шахс умумий мулкдаги уй (ёки хоналари)даги улушини сотса, уйда яшаб турган ижарачилар аввал имтиёзли харид қилиш ҳуқуқига эга бўладилар. Агар улар ушбу ҳуқуқдан фойдаланишдан бош тортса ёки жавоб бермаса, кейингиси сифатида қолган мулкдорлар мазкур ҳуқуқни амалга оширишлари мумкин.

Бу қоидалар айирбошлаш шартномаси орқали улуш бошқа шахсга берилганда ҳам татбиқ