Ўзбекистон
20.02.2023
1 727
– Интернетда бир жиноятни турлича аташларига гувоҳ бўламиз. Масалан, “Уятли суратини тарқатмаслик учун пластик картасига пул ўтказишнини талаб қилган товламачи”, “Olx.uz эълонлар сайти орқали фуқаронинг пулларини ўзлаштирган фирибгар”, “Онлайн қимор сабабли ҳамкасбининг банк картасидаги пулларини ўғирлади” сарлавҳаларга дуч келганда, бировнинг пластик картасидан пул ўмариш ҳаракатларини гоҳида фирибгарлик, гоҳида ўғрилик ёки товламачилик деб аталаётганини кўрамиз. Аслида бундай қилмиш товламачиликми, фирибгарликми ёки ўғриликми? Бу жиноятларни бир-биридан қандай фарқлаш мумкин? – Товламачилик - жабрланувчини у ёки бу хатти-ҳаракатни амалага ошириш билан қўрқитиш, шантаж қилиш орқали мулкини беришга мажбурлашдир. Масалан, жабрланувчи ёки унинг яқин кишиларига зўрлик ишлатиш, мулкка шикаст етказиш ёки нобуд қилиш, сир сақланиши лозим бўлган маълумотларни ошкор қилиш билан қўрқитиш. Фирибгарлик - ўзганинг мулкини ёки мулкга бўлган ҳуқуқини алдаш ёки ишончни суиистеъмол қилиш йўли билан қўлга киритишдир. Ўғрилик - ўзганинг мол-мулкини яширин равишда талон-торож қилиш жинояти ҳисобланади. Фирибгарликнинг ўғриликдан фарқи шундаки, фирибгарликда айбдор мулкни ўзганинг эгалигидан олиб қўймайди, балки жабрланувчининг ўзи мулкни беришига эришади. Товламачиликдан фирибгарлик шу билан фарқланадики, товламачиликда жабрланувчи қўрқув таъсири остида ҳаракат қилади, эрки синдирилган бўлади, фирибгарликда эса алдов натижасида жабрланувчининг эрки янглиштирилган бўлади. Масалан, ўзганинг пластик картасидан пул ўзлаштиришни жиноятни содир этиш усулига кўра қуйидагича фарқлаш мумкин. Яъни: -талон тарож яширин равишда содир этилса ўғрилик сифатида; - шантаж ё қўрқитиш орқали жабрланувчини ўз мулки беришга мажбур қиладиган шароитга солиб қўйиш йўли билан содир этилса, товламачилик сифатида; - алдаш ёки ишончни суиистеъмол қилиш йўли билан амалга оширилса фирибгарлик.
Саволга Олий суд бош консультанти Акром Арипов жавоб берди.
Улашиш:
Бошқалар
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Ўрганган кўнгил... Фарғонада аввал товламачилик туфайли жазоланган йигит, кейинчалик фирибгарлик учун 2 йилу 1 ойга озодликдан маҳрум қилинди
У ўзидаги далилларни ошкор этмаслик эвазига мансабдордан пул талаб қилган, 2400 АҚШ доллари эвазига эса иккита қизни ўқишга киритиб қўйишга ишонтирган.
Қизнинг фото ва видеоларини тарқатмаслик эвазига 400 доллар талаб қилган шахс ушланди
Қашқадарёда аёлнинг беҳаё расмларини тарқатиш билан қўрқитган “куёв бола” аёл киши бўлиб чиқди
Бухорода товламачиликда айбланаётган жиноий гуруҳ қўлга олинди