100 фоизлик давлат улушида бўлган «заправка»лар тармоғини хусусийлаштириш бошланди
Ўзбекистон
01.06.2023
400
Давлат активларини бошқариш агентлиги тегишли хусусийлаштириш дастурларига мувофиқ «Ўзбекнефтгаз» АЖ га қарашли «UNG Petro» МЧЖнинг устав капиталидаги 100 фоиз давлат улушини хусусийлаштириш бўйича консалтинг компаниясини жалб этиш юзасидан танлов эълон қилди. «UNG Petro» ва бошқа давлат улуши мавжуд корхоналарни хусусийлаштириш президентнинг 2023 йил 24 мартдаги қарори билан белгиланганди. Маълумот ўрнида, «UNG Petro» МЧЖ Ўзбекистондаги энг йирик ёқилғи қуйиш шохобчалари тармоғи бўлиб, у «UNG» миллий бренди остида нефть ва газ маҳсулотларини сотади. Корхонанинг чакана савдо тармоғига мамлакат бўйлаб жойлашган ёқилғи ва газ қуйиш шохобчалари киради. Корхона мамлакатда савдо соҳасидаги энг йирик солиқ тўловчилардан бири ҳисобланади. 2023 йилнинг январь-февраль ойларида 568,8 миллиард сўм айланма билан 28,2 миллиард сўм солиқ тўлаган. Консультант учун танловда иштирок этиш учун ҳужжатлар 11 июнь Тошкент вақти билан соат 18:00 га қадар қабул қилинади.
Улашиш:
Бошқалар
Кўп қаватли уйларда иситиш мавсуми қачондан бошланади?
Вазирлар Маҳкамасининг 2014 йил 15 июлдаги 194-сонли қарори билан тасдиқланган “Кўп квартирали уйларда иссиқлик таъминоти хизматлари кўрсатиш қоидалари”га кўра, иситиш даври ташқи ҳавонинг ўртача суткалик ҳарорати 8°Сдан паст бўлган 5 кунлик давр тамом бўлган кундан кейинги кундан бошланиши, 8°Сдан юқори бўлганда эса тамомланиши керак.
Йўл харакати қоидаларига ўзгартириш ва қўшимчалар киритилди
Йўналишли транспорт воситалари учун алоҳида ажратилган, тасмаси бор йўлда ҳаракатланиши тақиқланган транспорт воситалари ушбу йўлдан фақат ёндош ҳудудга кириш ёки чиқиш мақсадида ёндош худуднинг кириш ёки чиқиш жойидан 50 метр масофада узуқ-узуқ чизиқли жойгача ёхуд яқин масофадаги узуқ-узуқ чизиқли жойгача ҳаракатланиши мумкин.
Ишончнома тушунчаси, шакли ва уни расмийлаштириш тартиби
Ишончнома — бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланади. Ишончли вакил ўзига ишончнома билан берилган ваколатлар доирасида иш олиб боради.
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
