Суд қарорига кўра StarMed клиникасининг лицензияси бекор қилинди
Ўзбекистон
03.06.2023
1 043
Соғлиқни сақлаш вазирлиги Star Med клиникасининг лицензиясини бекор қилишни сўраб, судга даъво аризасини киритганди. Зангиота туманлараро иқтисодий судида мазкур иш доирасида уч бора суд муҳокамаси ўтказилди. Олий суд матбуот котиби Азиз Обидовнинг маълум қилишича, ССВ аризасида лицензияни бекор қилишнинг асослари сифатида Вазирлар Маҳкамасининг 2022 йил 21 февралдаги 80-сонли қарори билан тасдиқланган Низомнинг 27-иловаси 9-банди талаблари қўпол равишда бузилганлиги, хусусан, халқ орасида “Mittivine” тахаллуси билан танилган марҳум Фарҳод Манноповга тиббий ёрдам кўрсатган шифокорларда малакавий тоифа мавжуд бўлмаганлиги, бирламчи тиббий ҳужжатлар лозим даражада юритилмаганлиги, тиббий техниканинг метрологик меъёрларга мослиги бўйича даврий текширув ўтказилмаганлиги каби бир қатор камчиликларга йўл қўйилганлиги қайд этилган. Шунингдек, жавобгар томонидан марҳум Фарҳод Манноповга тиббий хизмат кўрсатишда бир қатор лицензия талаб ва шартлари бузилганлиги, ушбу ҳолатлар “Лицензиялаш, рухсат бериш ва хабардор қилиш тартиб-таомиллари тўғрисида”ги қонуннинг 33-моддаси талабига кўра лицензияни бекор қилиш учун асос бўлиши кўрсатилган. Суднинг 2023 йил 15 майдаги муҳокамасида жавобгар томон адвокати Фарҳод Манноповнинг ўлимига жарроҳлик амалиёти сабаб бўлмаганини билдирганди. Шунингдек, суд муҳокамасида жавобгар томон адвокатининг ишни клиниканинг мансабдор шахсларига нисбатан қўзғатилган жиноят иши якунига қадар мазкур низо юзасидан иш юритишни тўхтатиб туриш тўғрисидаги оғзаки илтимосномасини қаноатлантириш рад этилиб, шу кунги муҳокама тарафлар вакилларининг илтимосномалари қаноатлантирилган ҳолда бошқа муддатга қолдирилган. Суднинг 2023 йил 25 майдаги мажлисида жавобгарнинг адвокати юқоридаги мазмундаги илтимосномасини ёзма шаклда тақдим этиб, унга жиноят ишига дахлдор бўлган ҳужжатларни илова қилган. Ўз навбатида аризачи вакиллари марҳум Фарҳод Манноповга тиббий хизмат кўрсатишда бир қатор лицензия талаб ва шартлари бузилганлигини асословчи ҳужжатларни судга тақдим этган. Зангиота туманлараро иқтисодий судининг 2023 йил 2 июндаги ҳал қилув қарорига кўра Соғлиқни сақлаш вазирлигининг “Omad plyus” МЧЖга нисбатан берилган лицензияни бекор қилиш тўғрисидаги аризаси қаноатлантирилган ҳамда МЧЖга тиббий фаолиятни амалга ошириш учун 2021 йил 16 февралда берилган 27390032-рақамли лицензия бекор қилинган.
Улашиш:
Бошқалар
2025 йил 1 апрелдан айрим йўналишларда фаолият юритувчи хўжалик субъектларга берилган эксклюзив ҳуқуқлари бекор қилинади
“ЎзИнжиниринг” лойиҳа институтининг инвестиция лойиҳаларининг лойиҳаолди ва лойиҳа ҳужжатларини ишлаб чиқиш бўйича эксклюзив ҳуқуқлар бекор қилинди.
Жамоавий меҳнат низоларини медиатор иштирокида ҳал этиш тартиби қандай?
Медиатор жамоавий меҳнат низосининг тарафларидан ушбу низога тааллуқли зарур ҳужжатлар ва маълумотларни сўрашга ҳамда олишга ҳақлидир.
Ҳар бир ҳудудда реновация жамғармалари ташкил этилади
Президент Шавкат Мирзиёев 9 апрель куни шаҳарсозлик реновациясининг ҳуқуқий асосларини белгилаш бўйича таклифлар тақдимоти билан танишди.
Кимошди савдосини ташкил этиш ва уни ўтказиш тартиби қандай?
Аукционлар ва танловлар очиқ ва ёпиқ бўлиши мумкин. Очиқ аукционда ва очиқ танловда хоҳлаган шахс қатнашиши мумкин.
Мавзуга доир янгиликлар:
Блогер Фарҳод Манноповнинг вафоти билан боғлиқ жиноят иши айблов хулосаси билан судга юборилди
Бош прокуратуранинг Hudud24.uz’га маълум қилишича, жиноят иши доирасида 2 кишига нисбатан Жиноят кодекснинг 116-117- моддалари билан айб эълон қилинган.
Блогер Фарҳод Манноповнинг ўлими юзасидан жиноят иши қўзғатилди
ҳолатга алоқадор шахсларни батафсил сўроқ қилиш, қўп вақт талаб қилинадиган мураккаб экспертизалар тайинлаш ва бошқа бир қатор тергов ҳаракатларини ўтказмасдан қонуний тўхтамга келиш имкони йўқлиги сабабли ҳозирда Жиноят кодексининг 116-моддаси (Касб юзасидан ўз вазифаларини лозим даражада бажармаслик) 4-кисми "а" банди билан жиноят иши қўзғатилган.