2026 йил 4 февралда қабул қилинган қонунга (ЎРҚ–1116) кўра, йўл ҳаракати хавфсизлиги билан боғлиқ кам аҳамиятли қоидабузарликлар учун маъмурий огоҳлантириш қўлланиши мумкин.

Маъмурий огоҳлантириш — ҳуқуқбузарга қонунга хилоф ҳаракатни такрорламаслик ҳақида расмий танбеҳ. У ёзма ёки электрон шаклда берилади.

Огоҳлантириш қуйидаги моддалар бўйича қўлланади:
— 125-модда (1–2-қисмлар);
— 128¹, 128², 128⁶-моддалар;
— 135¹-модда;
— 138-модда (1–2-қисмлар).

Бунда шахс ўз қилмишидан чин кўнгилдан пушаймон бўлганда, шунингдек, кодексда назарда тутилган бошқа ҳуқуқбузарликлар аломатлари бўлмаганда, маъмурий жазо чорасини қўллашга ваколатли орган томонидан қўлланилади. Маъмурий огоҳлантириш ёзма (электрон) равишда қўлланади. Маъмурий огоҳлантириш айни бир шахсга нисбатан 1 йил давомида 1 мартадан ортиқ қўлланилиши мумкин эмас.