“Телеграм” мессенжери орқали номаълум шахслар 25 ёшли аёлга унда уятли фото ва видеотасвирлари борлигини айтиб, ижтимоий тармоқларда тарқатиб юбормаслик эвазига 4.000.000 сўм талаб қилган. Ички ишлар вазирлиги Киберхавфсизлик марказининг маълум қилишича, бу ҳақда Тошкент вилояти Қибрай туманида яшовчи 25 ёшли (аёл) М.Н. шикоят қилган. Аниқланишича, товламачилик йўли билан пулларни ўзлаштирмоқчи бўлган шахслар, Тошкент шаҳар, Яшнобод туманида яшовчи ака-укалар бўлган. 25 ёшли Т.Ж. ва унинг укаси 23 ёшли У.Ж.лар М.Н.нинг суратини фотошоп дастури ёрдамида уятсиз шаклга келтириб ўзгартиришган. Т.Ж. ва У.Ж.ларга ҳозирда Жиноят кодексининг 165-моддаси 2-қисми билан жиноят иши қўзғатилиб, тергов ҳаракатлари олиб борилмоқда. Қайд этилишича, бундай жиноий ҳаракатлар учун 5 йилдан 10 йилгача озодликдан маҳрум қилиш жазоси назарда тутилган.