Қонунчиликка кўра, ҳар бир ходим ишланмайдиган байрам кунларида дам олиш ҳуқуқига эга. Байрам кунлари арафасида ишдан бир соат эрта кетишга рухсат этилади.

Меҳнат кодексига кўра, қуйидаги кунлар ишланмайдиган байрам кунларидир:

1 январь — Янги йил;

8 март — Хотин-қизлар куни;

21 март — Наврўз байрами;

9 май — Хотира ва қадрлаш куни;

1 сентябрь — Мустақиллик куни;

1 октябрь — Ўқитувчи ва мураббийлар куни;

8 декабрь — Ўзбекистон Республикаси Конституцияси куни;

Рўза ҳайит (Ийд ал-Фитр) диний байрамининг биринчи куни;

Қурбон ҳайит (Ийд ал-Адҳа) диний байрамининг биринчи куни.

Агарда дам олиш куни ишланмайдиган байрам кунига тўғри келган тақдирда, дам олиш куни байрамдан кейинги иш кунига кўчирилади. Масалан, байрам санаси якшанба кунига тўғри келиб қолса душанба куни ҳам дам олиш бўлади. Байрам кунларидан ходимларнинг оқилона фойдаланиши учун дам олиш кунлари Президент Фармони билан бошқа кунларга кўчирилиши мумкин.

Ишланмайдиган байрам кунлари ходимнинг розилигисиз ишга жалб этишга йўл қўйилмайди. Ишга жалб этиладиган ҳолатлар ҳам мавжуд, уларни ушбу ҳавола орқали билиб олинг:

https://lex.uz/docs/6257288#6262859