Бугун, 28 октябрь куни Саудия Арабистонининг Ар-Риёд шаҳрида Queensberry компанияси томонидан бокс кечаси ташкил этилади. Кечанинг асосий жанги оғир вазн тоифасида WБCнинг махсус камари учун Тайсон Фюри (33-0-1) ва ММА жангчиси Френсис Нганну (профессионал боксда дебют) ўртасида кечади. Ушбу жанг олдидан бокс юлдузлари иштирокида турли маросимлар ташкил этилди. Унда Менни Пакяо, Майк Тайсон, Амир Хон, Дмитрий Бивол каби боксчилар иштирок этмоқда. Шунингдек, ўзбекистонлик боксчи Баҳодир Жалолов ҳам Ар-Риёдда улар билан биргаликда тадбирларда қатнашмоқда. Маросимда “Ал-Насср” футболчиси Криштиану Роналдуни ҳам кўриш мумкин.