1-гуруҳ ногирониман, бармоқларим йўқлиги учун имзо қўя олмайман. Қарз олмоқчи эдим, қарз бермоқчи бўлган танишим ёзма шартнома тузишни истаяпти. Шартномани қандай имзолайман, қонунчиликда бунинг ечими борми? Сизнинг илтимосингиз билан битимни бошқа фуқаро имзолаши мумкин. Бунинг учун бошқа фуқаронинг имзоси нотариус ёки бундай нотариал ҳаракатни амалга ошириш ҳуқуқига эга бўлган бошқа мансабдор шахс томонидан гувоҳлантирилиб, битим тузувчи сизни шахсан ўзингиз имзолай олмаслигингиз сабабларини кўрсатиши шарт бўлади. Бундай ҳолларда мазкур нотариал ҳаракатларни амалга ошириш чоғида аудио ва видеоёзув воситаларидан фойдаланиш мақсадга мувофиқ. Саволга Сирдарё вилоят адлия бошқармаси масъул ходими Акбар Аҳроров жавоб берди.