Бухорода институт талабалари супурги ясашга мажбуран жалб қилингани ростми?
Ўзбекистон
04.11.2023
1 408
Ижтимой тармоқларда Бухоро табиий ресурсларни бошқариш институти талабалари мажбурий меҳнатга жалб қилинганлиги тўғрисидаги видеолавҳа тарқалди. Ҳолатга Олий таълим, фан ва инновациялар вазири матбуот котиби Назокат Абдуқундузова муносабат билдирди. Олинган маълумотларга кўра, Бухоро табиий ресурсларни бошқариш институти илмий жамоаси томонидан ҳозирда ернинг шўрланишига қарши маҳаллий галофит (чўлда ўсадиган) ўсимликлардан фойдаланиш бўйича тажрибалар ўтказилмоқда. Рўзғорда қўлланиладиган супурги галофит ўсимлик саналадиган соргодан тайёрланади. Мазкур ўсимлик институтнинг бўш, қаровсиз ер майдонига экилган ва ҳозирда у пишиб етилгани учун, уни ўриб олиб, институт техник ходимлари ва ёлланма ишчилар томонидан институтнинг хўжалик ишларида фойдаланиш мақсадида супургилар тайёрланмоқда. “Ер майдони талабалар турар жойининг яқинида бўлгани боис, ушбу жараёнга қизиққан бир неча талабалар ходимларнинг ишини бевосита келиб кузатганлар ва айримлари ёшларга хос қизиқиш туфайли ўзлари ҳам супурги ясаб кўришга уринганлар. Айнан шу жараён видеога олиниб, “талабалар мажбурий меҳнатга жалб этиляпти” деган ёзув билан ижтимоий тармоқларда тарқатилиб, нотўғри талқин қилинган”, дейилади хабарда.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Талабалар қандай ҳолларда ўқишдан ҳайдалади? Муҳим 6 саволга жавоб
74 соат дарс қолдирган барча талабалар ўқишдан четлаштириладими? Фанлардан ўтиш балини ололмаганларга нима бўлади? “Бюджет”да ўқиган талаба ўқишини қайта “бюджет”га тиклаши мумкинми? Кредит-модуль тизимида ўқийдиганлар-чи? Hudud24.uz қуйида ушбу масалаларга оид муҳим саволларга жавоб беради.
Айрим талабаларнинг контракт пулини тўлаш муддати узайди
Бу ҳақда Олий таълим, фан ва инновациялар вазирлиги хабар берди.
Россияда 100 нафардан ортиқ ўзбекистонликнинг паспорти олиб қўйилиб, мажбурий меҳнатга жалб этилгани маълум бўлди
Мигрантлар Ташқи меҳнат миграция агентлигининг Екатеринбург шаҳридаги вакилига мурожаат қилган.
Исроилда ўқиётган ўзбекистонлик талабалар эвакуация қилинди
Улар ўқишни онлайн форматда давом эттирадиган бўлди.