— Фарзандим 2019 йил Бирлашган Араб Амирликларининг Дубай шаҳрида дунёга келган ва у ердан туғилганлик ҳақида сертификат олган. Биз Дубайдан шу сертификатни легализация қилдириб келдик. Ўзбекистонда ҳам нотариус орқали тасдиқладик, барибир фарзандимга туғилганлик гувоҳномаси ололмаяпман. — Туғилганлик фақат бир марта қайд этилади ва у бола туғилган жойда ёки ота-онанинг доимий яшаб турган жойи бўйича қайд этилади. Фарзандингизнинг туғилиши Дубай шаҳрида қайд этилган бўлса ва туғилганлик ҳақида гувоҳномаси мавжуд бўлса, Сиз Ўзбекистондан туғилганликни қайд эта олмайсиз. Ўзингизда мавжуд бўлган туғилганлик ҳақидаги гувоҳномадан белгиланган тартибда фойдаланаверасиз. Саволга Андижон шаҳрида хусусий амалиёт билан шуғулланувчи нотариус Камолиддин Жалолиддинов жавоб берди.