Дунёда илк бор робот-жарроҳ жигар кўчириб ўтказди
Ўзбекистон
19.07.2023
520
Қўшма Штатлардаги илғор клиникалардан бирида жаҳон тиббиёт амалиётида биринчи марта робот технологияси ёрдамида жигар трансплантацияси ўтказилди. 60 ёшли гепатит C туфайли келиб чиққан жигар циррози ва саратон касаллигидан азият чекаётган бемор иштирокидаги операцияни деярли тўлиқ робот-жарроҳнинг ўзи уддалади. Бош хирург эса “темир шифокор”нинг ҳаракатларини яқин атрофдаги консолдан назорат қилиб турди. “Трансплантация муваффақиятли ўтди. Муҳими, кўчириб ўтказилган жигар дарҳол ишлай бошлади ва бемор ҳеч қандай асоратларсиз дардидан халос бўлди”, – дейди жараёнга бошчилик қилган мутахассис доктор Одил Хон Маълум бўлишича, мазкур клиникада ўтган қисқа даврда робот технологияси ёрдамида 30 дан ортиқ буйрак трансплантацияси ва ўт йўллари, ошқозон ости бези ҳамда ошқозон билан боғлиқ бошқа юқори технологик муолажалар муваффақиятли амалга оширилган. Аммо экспертлар “ақлли қурилма” томонидан бажарилган жигар кўчириб ўтказиш амалиётини муҳим воқелик деб эътироф этмоқда. Чунки анъанавий усулда бу ўта мураккаб операцияни бажариш учун қорин бўшлиғида 10 ва 40 сантиметрлик иккита кесма ҳосил қилинади. Робот технологияси учун эса 1,5 ва 15 сантиметрдан иборат кичик кесма етарли. Бу эса жароҳатларнинг тез битишини таъминлайди.
Улашиш:
Бошқалар
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Ўзини ўзи банд қилган шахслар қандай солиқ тўлайди?
Солиқ кодексининг 461-моддасининг биринчи қисми 2-бандига асосан солиқ даврида товарларни (хизматларни) реализация қилишдан олинган даромади юз миллион сўмдан ошган, лекин бир миллиард сўмгача бўлган якка тартибдаги тадбиркорлар айланмадан олинадиган солиқ тўловчилар ҳисобланиши белгиланган.
