Энди «права» учун биринчи тиббий ёрдам кўрсатиш бўйича ҳам имтиҳондан ўтишга тўғри келади
Ҳуқуқ
22.07.2024
552
Вазирлар Маҳкамасининг 2018 йил 31 майдаги «Автомототранспорт воситалари ва шаҳар электр транспорти воситалари ҳайдовчиларини тайёрлаш ҳамда қайта тайёрлаш бўйича нодавлат таълим хизматларини кўрсатиш фаолиятини лецензиялаш тартибини янада такомиллаштириш чора-тадбирлари тўғрисида»ги 408-сонли қарорига тегишли тартибда ўзгартириш ва қўшимчалар киритилди.
Жумладан, мазкур қарорнинг 24-банди учинчи ва тўртинчи хатбошилар билан тўлдирилди.
Унга кўра, эндиликда «ўқув ташкилотида автомототранспорт воситалари ва шаҳар электр транспорти воситалари ҳайдовчиларни тайёрлаш ва қайта тайёрлаш якуни бўйича битирувчилардан биринчи тиббий ёрдам кўрсатиш, беморни тўғри транспартировка қилиш кўникмалари юзасидан амалий имтиҳонлар қабул қилинади.
Биринчи тиббий ёрдам кўрсатиш бўйича амалий имтиҳонларнинг мезонлари ССВ томонидан белгиланади».
Эслатиб ўтамиз, аввалроқ ССВ Ўзбекистон ҳудудида йўл-транспорт ҳодисаларида жабрланган шахсларга ягона биринчи тиббий ёрдам кўрсатиш тартибини жорий этишга доир вазир буйруғи лойиҳасини ишлаб чиққани хабар қилинган эди.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
Иш вақти ҳақида муҳим 8 саволга жавоб
Ходимга қисқартирилган иш вақти қўлланилганда унинг иш ҳақи камайтирилмайди.
Меҳнат шартномаси бўйича нималарни билиш керак? Муҳим қоидалар
Мазмунан меҳнатга оид муносабатларни тартибга соладиган фуқаролик шартномаларини тузиш тақиқланади. Яъни фуқаролик шартномасида меҳнат муносабатларига оид шартлар кўзда тутилмаслиги лозим.
Ажрашгандан кейин ҳам собиқ эр (хотин) таъминот олиши мумкин
Қонунчиликка кўра, никоҳдан ажралгунга қадар ёки никоҳдан ажралган пайтдан бошлаб 1 йил давомида меҳнатга лаёқатсиз бўлиб қолган ёрдамга муҳтож собиқ хотин (эр) суд тартибида алимент талаб қилиш ҳуқуқига эгадир.
