Исроил-Фаластин ҳарбий тўқнашувлар чоғида асирга олинган Ўзбекистон фуқаролари ҳақидаги тасдиқланмаган маълумотлар ижтимоий тармоқларга сиздирилмоқда. Ушбу ҳолат юзасидан Ўзбекистоннинг Исроилдаги Элчихонаси расмий баёнот берди. Қайд этилишича, Исроил ва Ғазо секторидаги можаро ҳудудларида мажбуран ушлаб турилганлар орасида элчихонага Ўзбекистон фуқаролари борлиги ҳақида маълумот келиб тушмаган. Ҳозирда Ўзбекистон фуқароларини Исроилда рўйхатга олиш тезлаштирилган ва соддалаштирилган тартибда амалга оширилмоқда. Элчихона Исроилда яшаётган Ўзбекистон фуқароларига яна бир бор мурожаат қилиб, тезкор алоқа ва амалий ёрдам кўрсатиш мақсадида ўзларининг истиқомат манзиллари тўғрисидаги маълумотларни дипломатик ваколатхонанинг электрон манзилига жўнатишни сўраган. Элчихона маълумот олишда ишончли манбаларга таянишни ва тасдиқланмаган маълумотларни тарқатмасликни сўраган. Элчихонанинг алоқа маълумотлари: 03-672-2466 03-672-2371 03-758-5075 03-758-5076 054-4851397