Италия Президенти Сержио Маттарелла жорий йилнинг 9-11 ноябрь кунлари расмий ташриф билан Ўзбекистонга келади. Бу ҳақда “Agenzia Nova” агентлиги хабар берди. Қайд этилишича, икки давлат раҳбарлари инвестицияларни ҳимоя қилиш ва илмий-маданий ҳамкорлик масалаларига оид қатор музокаралар ўтказади. Ташриф давомида Маттарелланинг Тошкентдаги Турин политехника университетига бориши кутилмоқда. “Италия учун Тошкент билан ҳамкорлик қилиш Ўзбекистоннинг Европа ва Узоқ Шарқ, Россия ва Хитой ўртасидаги стратегик позицияси билан алоҳида аҳамиятлидир, ” – дейилади хабарда. Қўшимча қилинишича, Италия раҳбарининг ташрифи Тошкентда бошланиб, Самарқандда якунланади.