Қарағандадаги Костенко конида портлаш содир бўлди. 252 кончидан 208 нафари ер юзасига чиқарилган. 21 нафар кончи ҳалок бўлган, яна 23 киши конда қолмоқда. Қидирув-қутқарув ишлари давом этмоқда, деб хабар бермоқда “Интерфакс”. Қайд этилишича, 15 киши ис газидан заҳарланиш билан касалхонага ётқизилган. Яна икки нафар ишчидан бири оғир аҳволда реанимацияда, иккинчиси жарроҳлик амалиётидан сўнг травматология бўлимида. Воқеа сабабларини аниқлаш учун ҳукумат комиссияси тузилган. Тоғ-кон ёки қурилиш ишларини олиб боришда хавфсизлик қоидаларини бузиш моддаси бўйича терговга қадар тергов ҳаракатлари олиб борилмоқда. Қозоғистон президенти Қосим-Жомарт Токаев республика ҳукуматига ҳалок бўлганларнинг оилаларига барча зарур ёрдам кўрсатишни топширди, деб хабар берган Қозоғистон раҳбари матбуот хизмати.