Жорий йилнинг июнь ойида Қўқон шаҳар ИИБ Жиноят қидирув бошқармаси ходимлари томонидан тезкор тадбир ўтказилган. Тадбир давомида, Данғара тумани, Чағали қишлоғида Т.Б. ва А.А.лар бир гуруҳ бўлиб 11 минг АҚШ доллар эвазига 1 кг гашиш гиёҳвандлик моддасини сотган вақтида тадбир иштирокчилари томонидан ушланган. Гиёҳвандлик воситаси эса далилий ашё тариқасида олинган. Маълум қилинишича, мазкур ҳолат юзасидан Қўқон шаҳар ИИБ ҳузуридаги тергов бўлими томонидан Жиноят кодексининг 273-моддаси 5-қисми билан жиноят иши қўзғатилиб, тергов ҳаракатлари олиб борилмоқда. Қайд этиш мумкин, Жиноят кодексининг 273-моддаси 5-қисмида кўрсатилган жиноятни содир этган шахс 20 йилгача озодликдан маҳрум қилиш билан жазоланиши мумкин. Мавзуга доир: Бухорода кўп миқдорда “Марихуана” сотаётган оғуфуруш ушланди