currencies image

12 598,05 UZS

36,87

usd

currencies image

13 544,16 UZS

28,27

eur

currencies image

141,43 UZS

0,57

ru



АсосийЯнгиликларҚўшимча таътил кимларга берилади? Муҳим 5 саволга жавоб

Қўшимча таътил кимларга берилади? Муҳим 5 саволга жавоб

Ҳуқуқ

calendar

06.06.2024

eye

249

Қўшимча таътил кимларга берилади? Муҳим 5 саволга жавоб© Фото: Hudud24.uz

Битта ташкилотда кўп стажга эга бўлган ходимларга, ноқулай иқлим шароитларида ишлаётганларга асосий таътилдан ташқари қўшимча таътиллар ҳам берилади. Таътилларнинг барчаси қўшилганида 56 календарь кундан ошиб кетмаслиги керак. Hudud24.uz шу каби муҳим маълумотларни тақдим этади.

1. Йиллик асосий таътил муддати қанча?

Ходимга ҳар йили камида 21 календар кун асосий меҳнат таътили берилиши керак. Айрим ходимлар учун узайтирилган таътил берилади, масалан:

18 ёшгача бўлган шахсларга – 30 календарь кун;

I ва II гуруҳ ногиронлиги бўлган ходимларга – 30 календарь кун;

давлат органлари ходимлари учун – 27 календарь кун;

айрим педагоглар учун – 56 календарь кун.

Жамоа келишувларида, шунингдек жамоа шартномасида, ички ҳужжатларда, меҳнат шартномасида ходимларга узайтирилган таътил берилиши назарда тутилиши мумкин.

Барча ҳолларда таътилларни жамлашда уларнинг давомийлиги бир иш йили учун 56 календарь кундан ошиб кетиши мумкин эмас.

Мазкур чеклов жамоа келишувларида, шунингдек жамоа шартномасида, иш берувчининг касаба уюшмаси қўмитаси билан келишувга кўра қабул қилинган ички ҳужжатларида ёхуд меҳнат шартномасида белгиланган меҳнат таътилларига нисбатан татбиқ этилмайди.

2. Ҳар йилги қўшимча таътиллар кимларга берилади?

Ҳар йилги қўшимча таътиллар қуйидагиларга берилади:

меҳнат шароитлари ноқулай ишларда банд бўлган ходимларга;

ноқулай табиий-иқлим шароитларида иш бажараётган ходимларга;

битта ташкилотда ёки тармоқда кўп йиллик иш стажига эга бўлган ходимларга;

қонунчиликда, жамоа келишувларида, шунингдек жамоа шартномасида, ички ҳужжатларда, меҳнат шартномасида назарда тутилган бошқа ҳолларда.

3. Меҳнат шароитлари ноқулай ишларда банд бўлган ходимларга кимлар киради?

Қўшимча таътил олиш ҳуқуқини берадиган ишлар рўйхати жамоа келишувларида, жамоа шартномасида белгиланади. Бундай ишлар тофиаси эса Ҳукумат томонидан тасдиқланган Иш ўринларини меҳнат шароитлари ва асбоб-ускунанинг жароҳат етказиш хавфи юзасидан аттестациядан ўтказиш тартиби тўғрисидаги низомга мувофиқ аниқланади.

Бунда ходимларнинг айрим тоифалари учун қўшимча таътил 33 кунгача белгиланиши мумкин.

Ишнинг алоҳида тусига эга бўлган, ўта зарарли ва ўта оғир меҳнат шароитида ишлайдиган ходимлар учун қўшимча таътилнинг энг кам муддати эса12 иш куни этиб белгиланган.

4. Ноқулай табиий-иқлим шароитларида иш бажараётган ходимлар тоифасига кимлар киради?

Ноқулай табиий-иқлим шароитларидаги иш учун ҳар йилги қўшимча таътил меҳнат ҳақига қўшимча коэффициентлар белгиланган ҳудудда ишлайдиган ходимларга берилади.

Бундай ҳудудларнинг рўйхати билан бу ерда танишиш мумкин. Рўйхатда қўшимча таътилларнинг муддати ҳам кўрсатилган. Учқудук шаҳри, Зарафшон шаҳридаги ходимларга 6 кун, Мўйноқда ишлайдиганлар учун эса 3 кун қўшимча таътил берилади.

5. Битта ташкилотда ёки тармоқда кўп йил ишлаганлик учун қанча таътил берилади?

Ходимга у битта ташкилотда ёки тармоқда ишлаган ҳар 5 йил учун давомийлиги 2 календарь кун бўлган, бироқ жами 8 календарь кундан кўп бўлмаган ҳар йилги қўшимча меҳнат таътили берилади.

Дилмурод Ражабоев,

Hudud24.uz колумнисти

Улашиш:

Бошқалар

16-май 2024, 04:11
2 050

Блогер товламачилик қилаётганда ушланди

Агар ҳаётда инсоннинг бўйни меҳнатга ёр бермаса, у бировнинг ҳақига кўз олайтира бошлайди. Яъни осон пул топишга уринади. Оқибатда ўғирлик, талончилик, фирибгарлик ёки товламачилик сингари оғир ва ўта оғир жиноятларга қўл уради.


11-июн 2024, 14:21
1 799

“Notcoin”, “Hamster Kombat”. Ўзбекистонда криптовалюта олиш ва сотиш қай даражада қонуний?

Хўш, криптовалютага оид миллий қонунчилик қандай? Криптовалюта олиш  ва сотиш қай даражада қонуний? Бунинг учун қандай жавобгарлик белгиланган? Айнан қандай ҳаракатлар учун кишилар жавобгарликка тортилмоқда? Hudud24.uz сайти колумнисти Муроджон Нажмиддинов мақолада шу ҳақда сўз юритади.


29-май 2024, 11:46
1 413

Мажбурий автосуғурта тарифлари оширилиши мумкин

"Суғурта тарифи миқдорини қайта кўриб чиқишга бир қатор омиллар сабаб бўлмоқда.


15-май 2024, 11:42
1 088

“Бош иков бўлмай мол иков бўлмас”. Қонунчиликда оилага оид муҳим 10 қоида

Конституция ва Жиноят кодексида оила ҳимояси учун алоҳида боблар мавжуд, оилавий муносабатлар Оила кодекси билан тартибга солинади. Халқаро оила куни муносабати билан Hudud24.uz оилага оид муҳим ҳуқуқларни бир мақолага жамлади.