Meta фойдаланувчилар маълумотларини АҚШга ўтказгани учун жаримага тортилди
Ўзбекистон
22.05.2023
575
Meta 1,2 миллиард евро жаримага тортилди.
Ирландиянинг маълумотларни ҳимоя қилиш бўйича комиссияси Meta компаниясини маълумотлар узатиш қоидаларини бузгани учун рекорд даражадаги 1,2 миллиард евро миқдорида жаримага тортди. Aниқлик киритилишича, компаниядан Facebookнинг европалик фойдаланувчилари маълумотларини AҚШга ўтказишни тўхтатиш талаб қилинган, сабаби бу Европа Иттифоқининг маълумотларни ҳимоя қилиш бўйича умумий регламентига зиддир. Ташкилотлар буни амалга ошириш учун беш ой вақт сарфладилар. Meta, ўз навбатида, қарор устидан шикоят қилиш ниятида эканлигини маълум қилди. Aввалроқ Ирландиянинг Маълумотларни ҳимоя қилиш комиссияси Meta компаниясини маълумотлар сизиб чиққани учун 265 миллион евро жаримага тортгани хабар қилинганди. Шунингдек, компанияга вазиятни бартараф этиш чораларини кўриш буюрилди. Бунгача Meta Туркияда рақобат қонунчилигини бузгани учун 18 миллион доллар жаримага тортилган эди. Кейин Монополияга қарши кенгаш Facebook, Instagram ва WhatsApp мессенжери платформалари рақобатчи хизматларнинг ишлашини қийинлаштирган деган хулосага келди.Улашиш:
Бошқалар
Кўп қаватли уйларда иситиш мавсуми қачондан бошланади?
Вазирлар Маҳкамасининг 2014 йил 15 июлдаги 194-сонли қарори билан тасдиқланган “Кўп квартирали уйларда иссиқлик таъминоти хизматлари кўрсатиш қоидалари”га кўра, иситиш даври ташқи ҳавонинг ўртача суткалик ҳарорати 8°Сдан паст бўлган 5 кунлик давр тамом бўлган кундан кейинги кундан бошланиши, 8°Сдан юқори бўлганда эса тамомланиши керак.
Нуқсонли товар алмаштириб бериладими?
Истеъмолчи товарнинг ишлаб чиқарилишига доир камчиликларни аниқлаган тақдирда сотувчи (ишлаб чиқарувчи) уни айни шундай маркали товарга етти кунлик муддатда, товар сифатини сотувчи томонидан қўшимча равишда текшириш зарур бўлганида эса, истеъмолчи талаб қўйган пайтдан эътиборан йигирма кун ичида алмаштириб бериши шарт.
Йўл харакати қоидаларига ўзгартириш ва қўшимчалар киритилди
Йўналишли транспорт воситалари учун алоҳида ажратилган, тасмаси бор йўлда ҳаракатланиши тақиқланган транспорт воситалари ушбу йўлдан фақат ёндош ҳудудга кириш ёки чиқиш мақсадида ёндош худуднинг кириш ёки чиқиш жойидан 50 метр масофада узуқ-узуқ чизиқли жойгача ёхуд яқин масофадаги узуқ-узуқ чизиқли жойгача ҳаракатланиши мумкин.
Ишончнома тушунчаси, шакли ва уни расмийлаштириш тартиби
Ишончнома — бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланади. Ишончли вакил ўзига ишончнома билан берилган ваколатлар доирасида иш олиб боради.
