Дунё паспортларининг глобал даражаси эълон қилинди. У паспорт орқали нечта мамлакатга аввалдан виза расмийлаштирмасдан бориш мумкинлигига кўра ҳисобланади.

Қайд этилишича, энг нуфузли паспортлар рейтингида Сингапур паспорти пешқадамлик қилмоқда. Сингапурликлар 195 та мамлакатга визасиз бора олади.

Рейтингнинг юқори ўринларини Франция, Германия, Япония, Италия, Испания, Швеция, Финландия, Люксембург каби давлатларнинг паспорти эгаллаган бўлса, Афғонистон паспорти энг қуйи ўринда қайд этилган. Афғонистонликлар 28 та давлатга визасиз кириш имкониятига эга.

Ўзбекистон паспорти рейтингда 79-ўринда жой олган. Ўзбекистонликлар 64 та давлатга аввалдан виза олмай кириб боравериши мумкин.

Марказий Осиё республикаларидан Қозоғистон – 67, Қирғизистон – 78, Тожикистон – 82 ва Туркманистон – 52-ўринни эгаллаган.