Саудия Арабистонида оғир атлетика бўйича жаҳон чемпионати ўз якунига етди. Париж-2024 Олимпиадаси йўлида лицензион характерга эга бўлган мазкур мусобақада Ўзбекистон терма жамоаси муносиб қатнашди. Чемпионат давомида вакилларимиз 4 та олтин, 2 та кумуш ва 1 та бронза медалларини жамғаришди. Барча медалларга йигитлар эга чиқишди. Бу орқали Ўзбекистон эркаклар терма жамоаси медаллар жамғариш бўйича Хитойдан сўнг иккинчи, очколар классификацияси бўйича эса Арманистон, Хитой, Эрон, Колумбиядан сўнг бешинчи поғонадан жой эгаллади. [caption id="attachment_20575" align="aligncenter" width="1200"] ФОТО: Olympic.uz[/caption] Ғолиб ва совриндор спортчилар билан танишинг: Олтин медаль: -81 кг: Муҳаммадқодир Тоштемиров (даст кўтариш) -109 кг: Акбар Жўраев (даст кўтариш) -109 кг: Руслан Нурудинов (силтаб кўтариш) -109 кг: Акбар Жўраев (икки кураш) Кумуш медаль: -109 кг: Акбар Жўраев (силтаб кўтариш) -109 кг: Руслан Нурудинов (икки кураш) Бронза медаль: -81 кг: Муҳаммадқодир Тоштемиров (икки кураш) Қайд этиш мумкин, энди терма жамоа Осиё ўйинларида иштирок этиш учун Саудия Арабистонидан Хитойга йўл олади.