Ўзбекистоннинг Озарбайжондаги элчихонаси ушбу мамлакатда молиявий тангликда қолган ватандоаҳ М.М.нинг оиласи бағрига қайтишига кўмаклашди, деб хабар бермоқда “Дунё” агентлиги.

Дипломатик ваколатхона маълумотига кўра, жорий йилнинг 12 март куни 1981 йилда туғилган М.М. Ўзбекистонга қайтиш учун молиявий ёрдам ёрдам сўраб мурожаат қилган.

Маълум бўлишича, у жорий йилнинг 4 март куни Грузиядаги маҳаллий ресторанлардан бирига ошпаз бўлиб иш топиш ниятида дўстининг таклифига биноан Боку орқали транзит йўлда Тошкентдан Тбилисига борган. Грузияга етиб келганидан сўнг Тбилиси халқаро аэропортида номаълум сабабларга кўра унинг мамлакатга киришига рухсат берилмайди ва Бокуга қайтариб юборилади. Шундан сўнг у Бокуга қайтиб келади ва яна чипта сотиб олиб Грузияга боради. Иккинчи маротаба қилинган уриниш ҳам Тбилисига киришга монелик қилади.

Оқибатда М.М маблағсиз қолади ва бир неча кунни Боку шаҳридаги Ҳайдар Алиев халқаро аэропортида ўтказади.

Ўзбекистон элчихона ходимлари ҳомийлар кўмагида  унинг Ўзбекистонга бориши учун чипта сотиб олади. У 17 март куни Ўзбекистонга кузатиб қўйилган.