Ўзбекистон
09.10.2023
611
Хабарингиз бор, Хитойнинг Ханчжоу шаҳрида XIX Осиё ўйинлари ўз якунига етди. Ушбу мусобақада қатнашган Ўзбекистон спорт делегацияси 22 та олтин, 18 та кумуш ва 31 та бронза медалини, умумий ҳисобда 71 та медаль қўлга киритиб, умумжамоа ҳисобида 5-ўринни қўлга киритди. Мазкур натижа Ўзбекистоннининг ушбу мусобақа тарихидаги энг яхши натижаси сифатида қайд этилди. Мусобақада иштирок этган делегациямиз вакиллари Ислом Каримов номидаги Тошкент халқаро аэропортида кутиб олинди. Тантанали кутиб олиш маросимида Ўзбекистон Республикаси Бош вазири А.Арипов иштирок этди ва Президент табригини ўқиб эшиттирди. Шунингдек, маросимда ҳукумат вакиллари, вазирлик, ташкилот мутасаддилари, спортчиларнинг яқинлари ва мухлислари ҳамда турли ОАВ вакиллари иштирок этди. Бу галги Осиё ўйинларида 27 мамлакат вакиллари олтин медални қўлга киритган бўлса, 41 та давлат спортчилари камида битта совринли ўрин соҳиби бўлди. Ханчжоудаги мусобақалар давомида бир қатор спорт турлари бўйича 13 та жаҳон рекорди янгиланганди. Энди спортчиларимизни 2024 йили Францияда бўладиган ёзги Олимпия ўйинлари, 2026 йили Япониянинг Аичи-Нагоя шаҳрида ўтадиган XX Осиё ўйинлари кутиб турибди.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Баҳодир Жалоловга 3 хонали уй совға қилинди
Вилоят ҳокими “Ханчжоу-2022” Осиё ўйинлари ғолиби бўлган 3 нафар сурхондарёлик спортчини тақдирлади (фото).
Шавкат Мирзиёев XIХ ёзги Осиё ўйинларида қатнашган Ўзбекистон спорт делегацияси аъзоларига табрик йўллади
Осиё қитъасининг 45 та давлатидан 11 минг нафар спортчи иштирок этган бу мусобақаларда спортчиларимиз 22 та олтин, 18 та кумуш ва 31 та бронза медалини қўлга киритишди.
Осиё ўйинлари якуни бўйича Ўзбекистон 5-ўринни эгаллади
Хитой, Япония ва Жанубий Корея Осиё ўйинларининг етакчилари бўлди.
Ҳанчжоу-2022. Тахмина Икромова Осиё ўйинларида Ўзбекистоннинг рекорд натижасини қайд этди
Бадиий гимнастикачимиз Ўзбекистон делегациясига навбатдаги олтин медални тақдим қилди.