Бу ҳақда Иқтисодий ҳамкорлик ташкилоти Бош котиби Хусрав Нозирий маҳаллий ОАВларга берган интервьюсида маълум қилди. "Ҳамкорлигимизнинг яна бир устувор йўналиши туризмдир. Шу муносабат билан Ўзбекистон Республикаси Президентини Шаҳрисабз шаҳри 2024 йилда ИҲТ туризм пойтахти этиб танлангани билан табриклайман. Ва, биз шу йил доирасида Шаҳрисабз шаҳрида тегишли туризм тадбирлари ўтказилишини мақсад қилганмиз. Ушбу тадбирлар нафақат Шаҳрисабз шаҳрида, балки Ташкилотнинг барча минтақасида туризмни ривожлантиришга хизмат қилади, деб таъкидлади ИҲТ Бош котиби.