“Тошшаҳартрансхизмат” АЖ 2023 йилда автобуслар орқали хизмат кўрсатилган йўловчилар сонини маълум қилди.

Қайд этилишича, бир кунда ўртача ташиладиган йўловчилар сони 662,3 мингдан ошган. Бу эса 2022 йилга нисбатан 62 фоизга ko‘p.(2022-yilda ўртача 404,4 минг йўловчи ташилган).

Автобусларда 2023 йил давомида жами 241,7 миллион йўловчи ташилган.

Кунлик қатновлар сони ўртача 16 847 тани ташкил этган. 2022 йилга нисбатан 59,8 фоизга ошди. (2022 йилда кунлик қатновлар сони ўртача 10 542 тани ташкил этган).

2023 йил давомида жами 6 149 147 та қатновлар амалга оширилган.

Келтирилишича, бугунги кунда пойтахт жамоат транспорти тармоғи 165 та йўналишдан иборат бўлиб, 1 кунда 1700 га яқин автобуслар йўналишда йўловчиларга хизмат кўрсатмоқда.

2024 йилда яна 200 та янги электробуслар харид қилиниб 5 та янги йўналиш ташкил этиш режалаштирилган.