Ўзбекистондаги 5 та сиёсий партияга 9 июлда бўлиб ўтадиган муддатидан аввалги президент сайловида иштирок этишга рухсат берилди
Ўзбекистон
15.05.2023
556
Айни дамда Марказий сайлов комиссиясининг навбатдаги мажлиси бўлиб ўтмоқда. Унда Ўзбекистондаги 5 та сиёсий партияга 9 июлда бўлиб ўтадиган муддатидан аввалги президент сайловида иштирок этишга рухсат берилди. МСК раиси ўринбосари Баҳром Қўчқоров партиялар томонидан белгиланган муддатда Сайлов кодексининг 63-моддасида кўрсатилган барча ҳужжатлар тақдим этилганини маълум қилди. Комиссия аъзолари бир овоздан сайловда иштирок этиш учун ижозат бериш тўғрисидаги қарорларни маъқуллаб овоз берди. Сиёсий партияларнинг ваколатли вакилларига сайловда иштирок этишга ижозат берилгани тўғрисидаги гувоҳнома ҳамда белгиланган намунадаги имзо варақалари бланкалари топширилди. 1 июнга қадар сиёсий партиялар Марказий сайлов комиссиясига Ўзбекистон президентлигига номзодни рўйхатга олишни сўраб ариза билан мурожаат этиши мумкин. Ўзбекистонда 9 июл куни бўлиб ўтадиган муддатидан аввалги президент сайловларига Ўзбекистон Либерал демократик партиясидан Шавкат Мирзиёев номзоди, Халқ демократик партиясидан Улуғбек Иноятов номзоди, «Адолат» партиясидан Робахон Маҳмудова, Экологик партиядан Абдушукур Хамзаев номзодлари кўрсатилди.
Улашиш:
Бошқалар
Айрим фуқароларга электр энергияси ва табиий газ учун компенсация берилади
Қарорга кўра, иситиш мавсумида (ноябрь – февраль ойларида) эҳтиёжманд оилаларга 270 минг сўм миқдорида бир марталик моддий ёрдам ўтказиб берилади.
Фуқаролик процессида судга чақирув: муҳим 5 саволга жавоб
Суднинг чақирув қоғози ёки бошқа хабарнома ишда иштирок этувчи шахсларга ва суд процессининг бошқа иштирокчиларига судга ўз вақтида келиш ва ишга тайёрланиш учун етарли вақтга эга бўлишини мўлжаллаб топширилиши ёки етказиб берилиши керак.
Меҳнат шартномасини ўзгартириш ва бошқа ишга ўтказиш тартиби қандай
Ўзбекистон Меҳнат кодексига кўра ходим меҳнат шартларини ўзгартиришни талаб қилишга ҳақлидир ва бундай ариза 3 кундан кечиктирмай иш берувчи томонидан кўриб чиқилиши шарт.
Фуқаролик ишлари бўйича суд харажатлари: муҳим 6 саволга жавоб
Суд тарафларнинг мулкий аҳволига қараб суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.
Мавзуга доир янгиликлар:
Марказий сайлов комиссияси сайлов натижаларини тасдиқлади
Марказий сайлов комиссияси овоз беришда иштирок этган сайловчиларнинг 87,05 фоиз овози билан Шавкат Мирзиёев Ўзбекистон президенти лавозимига сайланганлиги тўғрисида қарор қабул қилди.
Президентлик сайловнинг дастлабки натижалари эълон қилинди
Бугун президентликка номзодларнинг сайловолди ташвиқоти тугайди. Эртага “сукунат куни”
Нигериядаги президентлик сайловлари натижаси тўлиқ кўрсатилмаяпти — аҳоли овозлар сохталаштирилишидан хавотирда
Сайлов органи ҳозирда сиёсий партиялар томонидан танқид қилинмоқда, уларнинг айтишича, INEC томонидан тўпланган ва эълон қилинган натижалар алоҳида сайлов участкалари тақдим этган натижаларга мос келмаяпти.