Ўзбекистон Республикаси Президентининг 2024 йил 19июлдаги Ф–36-сон фармойиши билан 2024/2025-ўқув йили учун давлат олий таълим муассасаларига ўқишга қабул қилишнинг давлат буюртмаси (гранти) параметрлари тасдиқланди. Бу ҳақда Олий таълим, фан ва инновациялар вазирлиги хабар берди.

Унга кўра:

бакалавр кундузги таълим шаклига – 34 838 нафар;

магистрлар тайёрлаш бўйича – 9 365 нафар грант ўринлари ажратилди.

Бакалавриат бўйича квота (PDF);

Магистратура бўйича квота (PDF).

Жами 44 203 та давлат гранти ўринлари бакалавр ва магистратура қабули учун ажратилди.

Шунингдек, Давлат комиссияси томонидан 2024/2025-ўқув йили учун:

бакалавриат таълим йўналишига қабул бўйича:

умумий қабул параметрларини;

қўшимча қабул параметрларини;

ўқишга қабул қилишнинг минимал ўтиш балини;

мақсадли қабул квоталарини ва ушбу квоталарнинг туман (шаҳар)лар кесимидаги тақсимотини;

умумий қабул параметрига нисбатан давлат гранти квотасининг улушини;

ҳамда магистратура мутахассисликлари бўйича умумий қабул параметрларининг тасдиқланиши белгиланди.