— Онам менга уйнинг бир қисмини ҳадя қилган эди. Нотариусга борсам, менга 306 минг сўмга чек ёзиб беришди. Тўловларни қилдим. Менга давлат хизматлари марказига боришимни айтишди. Ҳозир кадастр ҳужжатлари учун 446 минг сўм тўлаш кераклиги тўғрисида СМС-хабар келди. Балки нотариусга бекорга тўлагандирман? Кадастр учун икки марта тўламаяпманми? — Нотариал идорада Сиз давлат божи ҳамда нотариуснинг пуллик ҳуқуқий хизмати учун тўлов қилгансиз. Давлат хизматлари марказида қабул қилиб олган мулкингизни давлат рўйхатидан ўтказганлик учун тўловни амалга оширасиз. Саволга Ўртачирчиқ туманида хусусий амалиёт билан шуғулланувчи нотариус Муҳайёхон Мамирова жавоб берди.