Қутқарувчилар Шимолий Чунгчеонг провинциясининг Чеонгжу шаҳридаги 430 метрлик ер ости туннелида қолиб кетган 10 дан ортиқ машинани қутқариб олиш учун ҳамон курашмоқда, деб маълумот берган Ички ишлар вазирлиги. Якшанба ҳолатига кўра, туннелдан етти кишининг жасади топилган. Маҳаллий телевидение орқали кўрсатилган суратларда яқин атрофдаги дарёдан шиддат билан оқаётган сувнинг қирғоқлари ёрилиб, туннелга кириб кетгани, қутқарувчилар ичкаридаги одамларни қутқариш учун қайиқлардан фойдаланишга қийналаётгани акс этган. [caption id="attachment_16130" align="aligncenter" width="701"] ФОТО: AFP[/caption] Вазирлик маълумотларига кўра, мамлакат бўйлаб 5 566 дан ортиқ одам уйларини эвакуация қилишга ва вақтинчалик бошпана излашга мажбур бўлган. Бундан ташқари, Йонҳап агентлигига кўра, тўрт провинциядаги 8 300 га яқин хонадонда электр таъминотида узилишлар кузатилмоқда. Шунингдек, сув тошқини оқибатида умумий фойдаланишдаги йўллар, уйлар ва фермер хўжаликлари далалари зарар кўрган. Ҳозирда хорижда бўлиб турган Жанубий Корея президенти Юн Сук Ёл ўз ёрдамчилари билан ҳукуматнинг кучли ёмғир ва сув тошқинларига муносабати бўйича фавқулодда йиғилиш ўтказди, дея хабар берган унинг идораси. Аввалроқ у бош вазир Хан Дак Суга қурбонлар сонини камайтириш учун барча мавжуд ресурсларни сафарбар қилишни буюрган эди. Ўз навбатида, Корея метеорология бошқармаси чоршанба кунигача кўп ёмғир ёғиши ва об-ҳаво шароити “жиддий” хавф туғдиришидан огоҳлантирган. Жанубий Корея ёзги муссон даврида сув тошқини билан мунтазам равишда зарар кўради, аммо мамлакат одатда яхши тайёргарлик кўради ва қурбонлар сони одатда нисбатан паст. Олимларнинг таъкидлашича, иқлим ўзгариши бутун дунё бўйлаб об-ҳаво ҳодисаларини экстремал ва тез-тез содир бўлишига олиб келган.