Жорий йилда бўлиб ўтадиган Тошкент халқаро инвестиция форуми учун 17 миллиард долларлик шартнома ва битимлар портфели шакллантирилган. Бу ҳақда Инвестициялар, саноат ва савдо вазирлиги департаменти директори Акром Алиев маълум қилди.

Алиевнинг сўзларига кўра, бу йилги тадбирга қизиқиш жуда катта. Форум олдинги иккитасида сезиларли даражада фарқ қилади, ҳозирда бунинг учун барча ишни амалга оширилмоқда. Шунингдек, иқтисодиётимиз учун муҳим бўлган йирик лойиҳаларни ишга туширишга оид тадбирлар ҳам ўтказилади.

“Йилдан йилга форумдаги иштирокчи давлатлар сони ортмоқда. Иштирокчилар ҳукуматларининг қарашларида ҳам ўзгариш бўлаётганини кузатяпмиз: 78 давлатдан 100 га яқин юқори мартабали давлат арбоблари иштирок этиши кутилмоқда”, — дейди Алиев.

Жорий йилда Тошкент халқаро инвестиция форуми 2-3 май кунлари Tashkent City’даги Конгресс-холлда бўлиб ўтади.