2023 йилда давлат буюртмаси асосида спектакллар саҳналаштириш учун йил давомида 40 та спектаклга 12,5 млрд сўм маблағ ажратилган. Бу ҳақда АОКАда ўтказилган брифингда Маданият вазирлиги бошқарма бошлиғи Ҳусниддин Эшдавлатов маълум қилди.

Қайд этилишича, республикада фаолият юритаётган 40 та давлат театрининг барчасига бадиий-ғоявий савияга эга саҳна асарларини яратиш мақсадида давлат буюртмалари ажратилмоқда. 2022 йилда театрларнинг репертуарини бойитиш, аҳолига сифатли хизмат кўрсатиш мақсадида 15 млрд сўм маблағ ҳисобига 40 та саҳна асарига давлат буюртмаси берилган. 

2023 йилда давлат буюртмаси асосида спектакллар саҳналаштириш учун йил давомида 40 та спектаклга 12,5 млрд сўм маблағ ажратилган. Ушбу маблағлар мақсадли сарфланган ҳолда, “Беруний”, “Бобур соғинчи”, “Юлдузли тунлар”, “Кундузсиз кечалар”, “Буюк ипак йўли”, “Чўпон афсонаси” каби тарихий асарлар саҳналаштирилган.

Маданият вазирлиги тасарруфидаги давлат театрлари ва “Ўзбексирк” давлат муассасасининг хорижга жорий йилда 36 та чет эл фестивалларида иштирок этган бўлиб, 2022 йилга нисбатан 40 фоизга ортган.