3 вилоятда наркосавдогарлар қўлга олинди
Ўзбекистон
26.10.2023
669
Давлат хавфсизлиги хизмати Хоразм, Бухоро, Тошкент вилояти наркосавдогарларни қўлга олди. Қайд этилишича, ДХХнинг Хоразмда ўтказган тезкор тадбирида хазорасплик фуқаронинг Cobalt машинаси салонида жами 6 бўлакда 3 кг 982 гр “опий” гиёҳвандлик воситаси борлиги аниқланган. Суриштирув ҳаракатлари давомида бу шахс Тожикистондан келтирилган “оғу”ни Сурхондарёнинг Сариосиё туманида яшовчи 2 нафар фуқародан олгани маълум бўлиб, Хазорасп туманидаги меҳмонхонанинг улар жойлашган хонасидан сотиш учун мўлжалланган 1 кг 952 “опий” моддаси ҳам тегишли тартибда расмийлаштириб олинган. Шунингдек, тезкор тадбир давом эттирилиб, ушбу гиёҳвандлик воситасини сотиб олган вақтларида яна 2 нафар хазорасплик наркосавдогарлар ушланган. Бухоро вилоятида қайд этилган ҳолатда эса ғиждувонлик 2 нафар фуқаро Бухоро шаҳрида 1 кг 224 гр “опий” моддасини 50 минг АҚШ долларига сотган вақтида қўлга олинган. Тошкент вилоятининг Бўка тумани ҳудудида ҳаракатланаётган “Nexia” русумли автотранспорт воситаси текширилган. Унда йўловчи сифатида кетаётган, Бағдод туманида яшовчи фуқаро ёнида 1 кг 913 гр “гашиш” моддаси борлиги аниқланди. Таъкидланишмча, оғу тожикистонлик наркокуръерлар томонидан контрабанда йўли билан Тошкент вилоятига олиб келиниб, хуфия жойга қолдириб кетилган.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Урганчда цемент солинган қоплар ичидан қарийб 10 кг “опий” топилди
Гумонланувчи шахс қамоққа олинган.
Сурхондарёда 9,3 кг наркотик модда савдоси фош қилинди
Муқаддам судланган ака-ука тожикистонлик наркокурерлар томонидан контрабанда орқали келтирилган гиёҳвандлик воситалари олди-сотдиси билан шуғулланган.