3 вилоятда ноқонуний ер сотаётганлар ушланди
Ўзбекистон
21.09.2023
372
Самарқанд, Сурхондарё, Андижон вилоятларида ноқонуний ер сотмоқчи бўлганлар ушланди. Бу ҳақда ЎзА хабар берди. Қайд этилишича, Самарқанд вилояти Каттақўрғон туманида яшовчи фуқаро иссиқхона қурмоқчи бўлган шахснинг ишончига кириб, унга давлат захирасида бўлган 1 гектар ер майдонини 150 минг АҚШ доллари эвазига мансабдор танишлари орқали олиб беришини ҳамда 9 минг АҚШ доллари эвазига ушбу ерни кадастрдаги танишлари ёрдамида унинг номига расмийлаштириб беришини айтиб, жами 159 минг АҚШ доллари олган вақтида далиллар билан ушланган. Шунингдек, Пахтачи туманида яшовчи шахс ўзининг онасига тегишли бўлган фермер хўжаликнинг 10,45 гектар ер майдонини тадбиркорга 900 млн сўмга сотишга келишиб, олдиндан 13 минг АҚШ доллари олган вақтида қўлга олинган. Яна бир ҳолатда, Сурхондарё вилоятининг Шўрчи туманидаги фермер хўжалик ишчиси, муқаддам судланган шахс мазкур хўжаликнинг 50 сотих ер майдонини харидорга 45 минг АҚШ долларига сотишга келишиб, 40 минг доллар олган вақтида қўлга олинган. Бундан ташқари, Андижон вилояти Асака туманида яшовчи шахс фермер хўжаликка тегишли 24 сотих ерни харидорга 22,5 минг АҚШ долларига сотган вақтида ушланган.
Улашиш:
Бошқалар
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
