Вазирлар Маҳкамасининг 2022 йил 31 мартдаги 145-сон қарорига биноан “Аёллар дафтари”да рўйхатда турганлар 33 миллион сўмгача кредит олишлари мумкин.

“Аёллар дафтари”ни юритиш орқали хотин-қизлар муаммоларини тизимли равишда ҳал этиш ва уларни ижтимоий қўллаб-қувватлаш учун бериладиган кредит, субсидия, грант ва моддий ёрдам турларининг рўйхати тасдиқланган.

Рўйхатга кўра:

— оилавий тадбиркорликни ташкил этиш учун тижорат банки то­монидан 33 миллион сўмгача кредитлар ажратилади. Бунда Халқ банки, Агробанк, Микрокредитбанк банкларига муро­жаат этилиши лозим.

— тадбиркорлик фаолиятини йўлга қўйиш учун 33 миллион сўмгача кредитлар ажратилади. Бунда Оила ва хотин-қизлар қўмитасига мурожаат этилади.

Шунингдек, сектор раҳбари хулосаси асосида, томорқадан ва деҳқончиликдан даромад манбаи сифатида фойдаланиш учун кўмаклашилади. Жумладан, енгил конструкцияли иссиқхоналар ўрнатиш, парранда, асалари, қуён, балиқ ва бедана боқишни йўлга қўйиш, деҳқончилик билан шуғулланиш, қишлоқ хўжалиги маҳсулотларини етиштириш, қайта ишлаш, сақлаш ва сотиш иш­ларини ташкил этиш, “Томорқа хизмати” ташкилотлари ва “Дала дўконлари”ни ташкил этиш учун қуйидагича кредит маблағлари ажратилади:

• жисмоний шахсларга 33 миллион сўмгача;
   
• фермер, деҳқон хўжаликлари ва бошқа тадбиркорлик субектларига 225 миллион сўмгача, фермер, деҳқон хўжаликлари ва бошқа тадбиркорлик субъектларига 225 миллион сўмдан юқори.

Кредит олиш ниятида бўлган қарамоғида ногиронлиги бўлган фарзанди мавжуд эҳтиёжманд хотин-қизлар Фермер, деҳқон хўжа­ликлари ва томорқа ер эгалари кенгашига мурожаат этишлари талаб этилади.