Ўзбекистон
22.03.2024
840

Ўзбекистон элчиси Фурқат Сиддиқовнинг АҚШнинг Бостон шаҳрига (Массачусетс штати) ташрифи доирасида ушбу шаҳар ва унинг атрофида истиқомат қилувчи ватандошлар билан учрашув ўтказилди, деб хабар бермоқда “Дунё”. агентлиги.
Учрашув доирасида ватандошларга Ўзбекистонда улар учун яратилаётган имкониятлар тўғрисида маълумот берилган.
Тадбир давомида Бостон шаҳрида янги ташкил этилган Ўзбек жамоаси “Турон Ассоциацияси”нинг очилиши ҳам бўлиб ўтган. Ассоциациянинг асосий вазифалари орасида Ўзбекистон маданияти ва меросини сақлаш ва уни кенг жамоатчиликка тарғиб қилиш, ватандошлар ўртасида маърифий ва илмий тадбирларни ташкил этиш каби муҳим йўналишлар мавжуд эканига урғу берилган.
Бундан ташқари, Бостон шаҳри ва унинг атрофида истиқомат қилувчи ватандошларимиз учун ташкил этилаётган “Илдиз”онлайн платформасининг тақдимоти ҳам ўтказилган. Платформа, ўз фаолиятини АҚШда ишлайдиган юқори малакали мутахассислар, молия институтлари, университетлар, юридик фирмалар, тадбиркорлар ва инвесторларнинг ташаббусларини қўллаб-қувватлашга йўналтирилган.
Сўнгра ватандошлар ҳамда америкалик ҳамкорлар иштирокида кириб келаётган Наврўз байрами муносабати билан маданий кеча ташкил этилган. Хусусан, тадбирда Гарвард университетининг етакчи олимлари ва институт раҳбарлари иштирок этган.
Уларга Ўзбекистоннинг туристик ва гастрономик салоҳияти, маданий урф-одатлари, бой маданиятнинг ўзига хослиги, шунингдек, ижтимоий-иқтисодий тараққиётда кузатилаётган динамик ўзгаришлар ҳақида махсус видеолавҳалар намойиш қилинган.
Учрашув якунида ватандошлар икки томонлама ҳамкорликни кенгайтириш, Ўзбекистон ва АҚШ ўртасида маданий ва илмий алмашинув дастурларини амалга ошириш, шунингдек, Ўзбекистоннинг АҚШдаги имижини мустаҳкамлашга тайёрликларини билдирган.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
АҚШда “Турон Ассоциацияси” очилди
Ассоциациянинг асосий вазифалари орасида Ўзбекистон маданияти ва меросини сақлаш ва уни кенг жамоатчиликка тарғиб қилиш, ватандошлар ўртасида маърифий ва илмий тадбирларни ташкил этиш каби муҳим йўналишлар мавжуд.
Ўзбекистон Ғазода ўт очишни тўхтатиш бўйича АҚШ ташаббусини олқишлайди – ТИВ
"Биз барча томонларни вазминликка, халқаро ҳуқуқни ҳурмат қилишга, зўравонликни олдини олишга ва тинч аҳоли орасида қурбонлар сонининг янада кўпайишига йўл қўймасликка чақирамиз", дейилади ТИВ матбуот котиби баёнотида.
АҚШда ўтказилган анъанавий гастрономик фестивалда ўзбек тўй оши тайёрланди
Ҳар йили анъанавий тарзда ўтказиб келинаётган “Embassy Chef Challenge” гастрономик фестивалида ўзбек миллий таомлари тақдимоти бўлиб ўтди.
11 январ санасида Биринчи марта аёллар автопойгаси ўтказилган
Аёллар илгари ҳам пойгаларда қатнашган, аммо эркаклар билан бирга. Масалан, 1901 йилда Камил ду Гас исмли аёл Париж ва Берлин ўртасидаги автораллида иштирок этди.