Ўзбекистон
19.05.2021
334
Ижтимоий тармоқларда муҳокама бўлаётган андижонлик келинчак билан боғлиқ воқеалар… Бу ёвузлик ҳақида гапириш, ёзиш нақадар қийин. Уруш йилларида немис газандлари кексаларни хўрлаб, болаларни азоблаб газ печларида ёқиб юборганини фильмларда кўриб, китобларда ўқиб, қанчалик қалбимиз ларзага келган, нафратдан юрагимиз тилка пора бўлган. Орадан қанча-қанча йиллар ўтган бўлса-да, ўша машъум воқеалар, ўша таҳқирланган халқнинг кўз ёшлари кўзимизда, қалбимизда қотиб қолгандек… Уруш даҳшатларини ҳар гал эсга олганда, ўша аччиқ оғриқлардан, ёвузликлардан танамиз зирқирагандек бўлади. Ёвузлик ҳақида ўйлашнинг ўзи инсоннинг юрагини ларзага солади. Бугун ёвузлик, тубанлик каби инсонийликдан йироқ иллатлар ботқоғига ўзбеклар ҳам ботиб бораётганлиги қанчалар уятли. Бугун шундай тинч ва осойишта замонда ўз ота-онасига, ўз синглисига, ўз ҳамюртига, ўз қўшнисига, ўз миллатдошига ёмонликни раво кўраётган манфурлар орамизда, ёнимизда эканлиги қанчалар аянчли ва қўрқинчли. Бир вақтлар “сут кўр қилгур ҳароми, Гитлер оқпадар” деб босқинчи немис фашистларни бор нафратимиз билан лаънатлаган бўлсак, бугун ундан ҳам баттар оқпадарлар билан бир ҳаводан нафас олаяпмиз. Нега қўлига пичоқ олиб, ўз қавмини қонга белаган қонхўрларни кечиришга ўргандик, нега бегуноҳ норасидаларга, аёлларга айтиб бўлмас зўрлик қилаётган ҳайвонларга инсонпарварлик қилинаяпти, нега?! Нега инсон боласи шу қадар тубанлашиб кетди? Нега бундай ҳолатлар такрор-такрор содир бўлаяпти-ю, нега кескин чоралар кўришга шошилмаяпмиз? Керак бўлса, қонунларга ўзгартиш киритишга, бундайларга қилмишига яраша оғир жазолар беришга ким ёки нима халақит бераяпти? Бундай мудҳиш воқеанинг изи “назоратга оламиз”, “кўриб чиқамиз”, “ечим топамиз,” деган ёлғон ваъдалар билан йўқолмайди. Бу саволларга, бу оғриқларга жавобни, бу ифлосликларга муносиб жазони асло кечиктириб бўлмайди. Ва, жиноий жавобгарликнинг кучи эса, ҳар ким ўз қилмишига яраша жазосини олиши, жазо муқаррарлиги бўлиши шарт! Матбуот ва кенг жамоатчилик назоратида турган бу ишни Ички ишлар вазири шахсан назоратга олганлиги, шунингдек яна бир қанча нуфузли идоралар бу мудҳиш воқеа сабабчиларига тегишли жазо берилиши тарафдори эканлиги албатта бу ёвузликка муносиб жазо тайинланишига умид уйғотади. Ваҳшийлик ва ёвузлик жазосиз қолмайди! Маруса ҲОСИЛОВА, журналист
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.
Янги таҳрирдаги Йўл ҳаракати қоидалари тасдиқланди
Сиз ЙПХ ходимидан дислокациянинг кўчирмасини сўраш қонуний эканлигини биласизми?
Андижон туманида ҳомиладор аёлга нисбатан содир этилган зўравонлик жинояти ички ишлар вазирининг шахсан назоратида
Янги автомашина неча йилдан сўнг техник кўрикдан ўтказилади?