Анқарада турк дунёси нотариуслари уюшмаси тузилди
Ўзбекистон
06.10.2023
480
Анқарада турк дунёси нотариуслари уюшмаси тузилди. Бу ҳақда Ўзбекистон нотариал палатаси хабар бермоқда. Куни кеча Туркиянинг Анқара шаҳрида Туркий давлатлар иштирокида халқаро тадбир бўлиб ўтди. Туркия мезбонлик қилган тадбирда Озарбайжон, Қозоғистон, Қирғизистон ва Ўзбекистон Республикаси адлия вазирлари ҳамда Нотариал палата раҳбарлари иштирок этишди.
Халқаро тадбирда турк дунёси Нотариуслар уюшмаси (бирлиги) тузилиши ҳақидаги Англашув Меморандуми имзоланди.
Эндиликда, келишувга аъзо бўлган давлатлар ўртасида қатор енгилликлар яратилади. Яъни келгусида Туркияда ёки Бокуда тасдиқланган ишончнома билан Тошкентда нотариал ҳаракатни амалга ошириш учун ишончноманинг асл нусхаси керак бўлмайди. Уюшмага аъзо давлатлар нотариал тизимлари интеграция қилинади ва ушбу давлатлар нотариуслари учун ҳужжатга апостиль қўйиш, ҳужжатни текшириш учун ҳужжатдаги нотариусларни интернет орқали қидириб топиб, мурожаат қилиш ва вақт йўқотиш каби муаммолар бўлмайди.
Улашиш:
Бошқалар
Кўп қаватли уйларда иситиш мавсуми қачондан бошланади?
Вазирлар Маҳкамасининг 2014 йил 15 июлдаги 194-сонли қарори билан тасдиқланган “Кўп квартирали уйларда иссиқлик таъминоти хизматлари кўрсатиш қоидалари”га кўра, иситиш даври ташқи ҳавонинг ўртача суткалик ҳарорати 8°Сдан паст бўлган 5 кунлик давр тамом бўлган кундан кейинги кундан бошланиши, 8°Сдан юқори бўлганда эса тамомланиши керак.
Нуқсонли товар алмаштириб бериладими?
Истеъмолчи товарнинг ишлаб чиқарилишига доир камчиликларни аниқлаган тақдирда сотувчи (ишлаб чиқарувчи) уни айни шундай маркали товарга етти кунлик муддатда, товар сифатини сотувчи томонидан қўшимча равишда текшириш зарур бўлганида эса, истеъмолчи талаб қўйган пайтдан эътиборан йигирма кун ичида алмаштириб бериши шарт.
Йўл харакати қоидаларига ўзгартириш ва қўшимчалар киритилди
Йўналишли транспорт воситалари учун алоҳида ажратилган, тасмаси бор йўлда ҳаракатланиши тақиқланган транспорт воситалари ушбу йўлдан фақат ёндош ҳудудга кириш ёки чиқиш мақсадида ёндош худуднинг кириш ёки чиқиш жойидан 50 метр масофада узуқ-узуқ чизиқли жойгача ёхуд яқин масофадаги узуқ-узуқ чизиқли жойгача ҳаракатланиши мумкин.
Ишончнома тушунчаси, шакли ва уни расмийлаштириш тартиби
Ишончнома — бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланади. Ишончли вакил ўзига ишончнома билан берилган ваколатлар доирасида иш олиб боради.
