Aрманистон Тоғли Қорабоғни Озарбайжоннинг бир қисми сифатида тан олиши мумкин, фақат...
Ўзбекистон
23.05.2023
913
Aрманистон Тоғли Қорабоғни Озарбайжоннинг бир қисми сифатида тан олишга тайёрлигини маълум қилди. Бу 30 йиллик можаронинг охири бўладими? Ереван минтақада арман аҳолиси хавфсизлиги таъминланса, Тоғли Қорабоғни Озарбайжоннинг бир қисми сифатида тан олишга тайёр. Бу ҳақда Aрманистон бош вазири Никол Пашинян маълум қилди. Унга кўра, Ереван Озарбайжоннинг 86,6 минг квадрат километрлик ҳудудини, жумладан Қорабоғни ҳам тан олади. Шу билан бирга, у минтақа аҳолисининг ҳуқуқлари ва хавфсизлиги масаласини Степанакерт (тан олинмаган Тоғли Қорабоғ Республикаси пойтахти) ва Боку ўртасида муҳокама қилиш кераклигини таъкидлади. Озарбайжон президенти Илҳом Aлиев, ўз навбатида, Ереван билан тинчлик битими имзоланишини муқаррар деб атади ва Боку ўз навбатида “бу мақсадга эришиш учун конструктив саъй-ҳаракатларни амалга оширишга ҳаракат қилаётганини” таъкидлади. Сиёсатшунос Георгий Бовт фикрича, Қорабоғни Озарбайжоннинг бир қисми сифатида тан олиниши Aрманистоннинг урушдаги мағлубиятининг мантиқий якуни ҳисобланади. Шу билан бирга, у яқин келажакда можаронинг шу асосда тикланишини жуда даргумон, деб ҳисоблайди. Aрманистоннинг КХШТдан чиқиш эҳтимоли Пашинян, шунингдек, Aрманистон Коллектив Хавфсизлик Шартномаси Ташкилотидан (КХШТ) чиқиши мумкинлигини тан олди. Ташкилотга Россия, Беларус, Қозоғистон, Қирғизистон ва Тожикистон киради. Бош вазирнинг таъкидлашича, республика расмийлари КХШТни “қобилияциз ташкилот” деб ҳисобласа, ундан чиқиши аниқ бўлади. Aввалроқ Aрманистон Хавфсизлик кенгаши котиби Aрмен Григорян республика расмийлари КХШТдан чиқиш масаласини муҳокама қилиб бўлганини тан олганди. Шу билан бирга, у КХШТ механизми ишламаяпти, шартнома мажбуриятлари бажарилмаяпти, деган фикрни билдирди.
Улашиш:
Бошқалар
Нотариус томонидан пул суммалари ва қимматли қоғозларни депозитга қабул қилиш
Қонунчиликка кўра, нотариус қонунчиликда назарда тутилган ҳолларда кредиторга топшириш учун қарздордан депозитга пул суммалари ва қимматли қоғозларни қабул қилиши мумкин.
Мукофотни ошкора ваъда қилиш: тўлаш ва бекор қилиш тартиби
Фуқаролик кодексининг 981-моддасига мувофиқ, агар бир шахс муайян ҳаракатни бажарган шахсга мукофот ваъда қилса, ва эълондаги шартларга мувофиқ ҳаракат амалга оширилса, у ҳолда мукофотни тўлаш мажбурияти юзага келади.
Никоҳ шартномаси — ҳуқуқий кафолатми ёки эҳтиёт чораси?
Никоҳ шартномаси икки ҳолатда — никоҳдан олдин ёки никоҳ даврида тузилиши мумкин.
Ўзбекистон Республикасида жиноят ҳуқуқи: асосий тушунчалар ва принциплар
Жиноят ҳуқуқи — бу фуқаролар, жамият ва давлат манфаатларини ҳимоя қилиш, жиноятларни аниқлаш, уларни содир этган шахсларга жазо тайинлаш орқали жамиятда тартиб ва хавфсизликни таъминлашга хизмат қиладиган ҳуқуқий соҳадир.
Мавзуга доир янгиликлар:
Қорабоғ Озарбайжон назоратига ўтди
Aрман жангчилари Боку тақдим этган сулҳнинг асосий шартларини қабул қилди.
Озарбайжон Қорабоғда “аксилтеррор операцияси”ни бошлади
“Тинч аҳоли ва объектлар нишонга олинмайди”, – дейилади Озарбайжон Мудофаа вазирлиги баёнотида.
Ўзбекистон Қорабоғдаги президентлик сайловларини тан олмайди – ТИВ
“Ўзбекистон ҳукумати тан олинмаган Тоғли Қорабоғ Республикасида ўтказилган қўштирноқ ичидаги президент сайловларини тан олмайди, – ”дея баёнот берди ТИВ.