Ўзбекистон
20.09.2023
472
Aрман жангчилари Боку тақдим этган сулҳнинг асосий шартларини қабул қилди. Сулҳга кўра, Тоғли Қорабоғдаги арман қаршилик ҳаракати етакчилари “Тоғли Қорабоғ мудофаа армияси”ни бутунлай тарқатиб юбориш ва қуролсизлантиришга ваъда бермоқда. Бундан ташқари, арман ҳарбий хизматчилари Россия тинчликпарвар контингенти зонасини тарк этади. Оғир техника ва қурол-яроғлар минтақадан олиб чиқилиши ва утилизация қилиниши керак, ҳудуднинг Озарбайжонга интеграциялашуви масалалари музокаралар мавзусига айланади. Ўт очишни тўхтатиш келишувининг бу натижалари тан олинмаган республика раҳбарияти матбуот хизмати томонидан эълон қилинди. Ушбу баёнотга кўра, Қорабоғнинг арман аҳолиси вакиллари ва Озарбайжон марказий ҳокимиятлари ўртасидаги учрашув 21 сентябрь, пайшанба куни Евлах шаҳрида бўлиб ўтиши керак. Унда ушбу минтақада яшовчи арманларнинг ҳуқуқлари ва хавфсизлигини ҳимоя қилиш масалалари муҳокама қилинади. Aввалроқ Озарбайжон Мудофаа вазирлиги Қорабоғда ҳарбий операция муваффақиятли ўтказилгани ва айирмачилар позициялари йўқ қилингани ҳақида хабар берган эди. Ереван камида 32 нафар тинч аҳолининг ҳалок бўлганини маълум қилди, 200 дан ортиқ киши жароҳат олган. Боку бу рақамларни тасдиқламаган.
Улашиш:
Бошқалар
Уй-жой учун субсидия олиш тартиби: муҳим 7 саволга жавоб
23 сентябрдан субсидия учун аризалар қабул қилиш бошланади. Ариза берувчи ўзининг даромади етмаса, унинг хоҳишига кўра, даромадлари ҳисоб-китобига яқин қариндошларининг ҳам даромадларини киритиши мумкин.
“Xotin-qizlar.uz” платформаси доирасида хотин-қизлар муаммоларни ҳал этиш тизими йўлга қўйилади
2024 йил октябрь ойидан бошлаб “Xotin-qizlar.uz” платформаси доирасида Хотин-қизлар муаммоларини ўрганиш ва тизимли ҳал этиш модули ишга туширилиб, муаммоларни ўрганиш модули орқали аниқланган муаммолар тегишлилиги бўйича “маҳалла - туман - вилоят - республика” даражасида ҳал этилиши тизими йўлга қўйилади.
Ўзбекистонда ресторан ва кафеларга ўзларига туташ майдонларда ёзги террасага рухсат берилади
ҚҚС тўлашга ўтган ресторан ва кафеларга фойда солиғи 2 карра камаяди. 1 декабрдан бу корхоналар нақд пулга сотиб олган қишлоқ хўжалиги маҳсулотларини кирим қилишда ҳеч қандай ҳужжат талаб қилинмайди.
Президент Мустақиллик байрами муносабати билан қатор соҳа вакилларини мукофотлади
"Ўзбекистон Республикаси мустақиллигининг ўттиз уч йиллиги муносабати билан фан, таълим, соғлиқни сақлаш, адабиёт, маданият, санъат соҳалари ва оммавий ахборот воситалари ходимларидан бир гуруҳини мукофотлаш тўғрисида"ги Президент фармони эълон қилинди.