“Автомашинанинг олди-сотди шартномасини бекор қилмоқчиман, хотинимнинг розилиги керакми?”
Ўзбекистон
12.01.2023
528
— Мен автомашина сотиб олган эдим, эндиликда ушбу нотариал тасдиқланган автомашина олди-сотди шартномасини сотувчи билан ўзаро келишув асосида бекор қилмоқчиман. Нотариусга мурожаат қилганимда, хотинингизнинг шартномани бекор қилишга оид розилиги керак деяпти. Шу тўғрими? Саволга Бухоро шаҳрида хусусий амалиёт билан шуғулланувчи нотариус Дилобар Бозорова жавоб берди: — Вазирлар Маҳкамасининг 2020 йил 18 ноябрдаги 726-сон қарор билан тасдиқланган “Автомототранспорт воситаларини бошқа шахсга ўтказиш ҳақидаги битимларни тасдиқлашнинг маъмурий регламентига” асосан олди-сотди шартномани бекор қилиш учун сотиб олувчининг хотини (эри)нинг нотариал тартибда тасдиқланган ёки нотариал тартибда тасдиқланган розиликка тенглаштирилган бошқа ваколатли ташкилотлар мансабдор шахслари томонидан, Ўзбекистон Республикаси консуллик муассасаларининг консуллари томонидан шаҳодатлантирилган розилиги талаб қилинади. Нотариуснинг талаби қонунийдир.
Улашиш:
Бошқалар
Кўп қаватли уйларда иситиш мавсуми қачондан бошланади?
Вазирлар Маҳкамасининг 2014 йил 15 июлдаги 194-сонли қарори билан тасдиқланган “Кўп квартирали уйларда иссиқлик таъминоти хизматлари кўрсатиш қоидалари”га кўра, иситиш даври ташқи ҳавонинг ўртача суткалик ҳарорати 8°Сдан паст бўлган 5 кунлик давр тамом бўлган кундан кейинги кундан бошланиши, 8°Сдан юқори бўлганда эса тамомланиши керак.
Нуқсонли товар алмаштириб бериладими?
Истеъмолчи товарнинг ишлаб чиқарилишига доир камчиликларни аниқлаган тақдирда сотувчи (ишлаб чиқарувчи) уни айни шундай маркали товарга етти кунлик муддатда, товар сифатини сотувчи томонидан қўшимча равишда текшириш зарур бўлганида эса, истеъмолчи талаб қўйган пайтдан эътиборан йигирма кун ичида алмаштириб бериши шарт.
Йўл харакати қоидаларига ўзгартириш ва қўшимчалар киритилди
Йўналишли транспорт воситалари учун алоҳида ажратилган, тасмаси бор йўлда ҳаракатланиши тақиқланган транспорт воситалари ушбу йўлдан фақат ёндош ҳудудга кириш ёки чиқиш мақсадида ёндош худуднинг кириш ёки чиқиш жойидан 50 метр масофада узуқ-узуқ чизиқли жойгача ёхуд яқин масофадаги узуқ-узуқ чизиқли жойгача ҳаракатланиши мумкин.
Ишончнома тушунчаси, шакли ва уни расмийлаштириш тартиби
Ишончнома — бир шахс (ишонч билдирувчи) томонидан иккинчи шахсга (ишончли вакилга) учинчи шахслар олдида вакиллик қилиш учун берилган ёзма ваколат ишончнома ҳисобланади. Ишончли вакил ўзига ишончнома билан берилган ваколатлар доирасида иш олиб боради.
Мавзуга доир янгиликлар:
Никоҳдан ажратишда давлат божи миқдорини камайтириш мумкинми?
Бола асраб олгандим. Mенга қандай таътиллар берилади?
10 йилдан бери бирга яшамасак, икки марта ярашув муддати шартми?
Эр-хотин ажрашаётганда болаларнинг ким билан қолиши қандай ҳал этилади?