Ўзбекистонда айрим ёввойи ҳайвонларни уйда сақлаш тақиқланмоқда. Бунга оид “Ҳайвонот дунёсини муҳофаза қилиш ва ундан фойдаланиш тўғрисида”ги қонунга кеча, 7 сентябрь куни Президент Шавкат Мирзиёев томонидан имзоланган қонун билан қўшимча ва ўзгартиш киритилди. Унга кўра, аҳоли томонидан айрим турдаги ёввойи ҳайвонларнинг ярим эркин шароитларда, сунъий яшаш муҳитида ёки тутқунликда сақланиши тақиқланади. Мазкур ҳайвонларнинг рўйхати ҳамда уларни юридик шахслар (ташкилотлар) томонидан сақлаш тартиби Ҳукумат томонидан белгиланади. Қонун расмий эълон қилинган кундан кучга киради.